ایپل نے آئی او ایس میں موجود خامیوں کو دور کردیا

بول نیوز  |  Jan 14, 2022

امریکی ٹیکنالوجی جائنٹ ایپل نے گزشتہ ماہ آئی فون اور آئی پیڈ کے لیے بے شمار اپ ڈیٹس اور نئے فیچرز کے ساتھ اپنے آپریٹنگ سسٹم کا نیا ورژن iOS 15.2 جاری کیا تھا۔

تاہم اس ورژن میں موجود کچھ خامیوں کو دور کرنے کے لیے آج ہی ایک تازہ ترین اپ ڈیٹ  iOS 15.2.1 جاری کی گئی ہے۔ جس میں  ہوم کٹ سیکیوریٹی خامیوں اور آئی کلاؤڈ لنک کے ساتھ میسیجز اور تصاویر کی اپ لوڈنگ کے مسئلے کو درست کیا گیا ہے۔

iOS 15.2 میں آئی فون کے لیے ’ فیس ٹائم‘،’ شیئر پلے‘ اور پرو ریز‘ سپورٹ اور فیچر، تمام آئی فون صارفین کے لیے نیا ایپل میوزک اور آئی فون 13 کے لیے میکرو کنٹرول جیسے مفید فیچرز شامل کیے گئے تھے۔

 یہ بھی پڑھیں : ایپل طبقاتی فرق کو فروغ دے رہا ہے، گوگل کا الزام

نئی اپ ڈیٹ انسٹال کرنے کا طریقہ کار؛

آئی فون اور آئی پیڈ کے استعمال کنندگان درج ذیل طریقے پر عمل کرتے ہوئے iOS 15.2 کو نئے ورژن iOS 15.2.1 پر اپ گریڈ کر سکتے ہیں۔

1۔         ڈیوائس کی ہوم اسکرین پر موجود’ سیٹنگز‘ پر ٹیپ کریں

2۔         سیٹنگز پر جاکر ’جنرل‘ پر کلک کریں

3۔         جنرل پر کلک کرنے کے بعد ’سافٹ ویئر اپ ڈیٹ‘ پر کلک کریں۔

یاد رہے کہ سافٹ ویئر اپ ڈیٹ سے پہلے اپنے موبائل کا بیک اپ لازمی لے لیں۔ انسٹالیشن کے عمل کو کام یابی سے سر انجام دینے کے لیے وائی فائی یا موبائل ڈیٹا کی بلا تعطل فراہمی کو یقینی بنائیں۔ سافٹ ویئر اپ ڈیٹ سے پہلے آپ کے آئی فون / آئی پیڈ کی بیٹری کم از کم اچھی طرح چارج ہونی چاہیے۔ زیادہ بہتر یہی ہے کہ اسے چارجنگ پر لگا کر اپ ڈیٹ کا کام سر انجام دیا جائے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More