بیک وقت دونوں ہاتھوں سے اسپن بولنگ کرنے والا انوکھا کھلاڑی

بول نیوز  |  Jan 15, 2022

بھارتی نژاد آسٹریلین کرکٹر کرشنن رادھا نے دونوں ہاتھوں سے اسپن بولنگ کرنے کا انوکھا اعزاز اپنے نام کرلیا۔

پاکستان و ہندوستان کے کرکٹرز نے بین الاقوامی کرکٹ میں ہمیشہ راج کیا ہے۔ دنیائے کرکٹ کے بڑے نام ہر دور میں ان روایتی حریف ممالک کے کھلاڑیوں کی صلاحیتوں کے معترف رہےہیں۔

پیسرز، اسپنرز، بلے بازوں سے مزین یہ خطہ زمین ہر دور میں اپنے کرکٹرز کے باعث بین الاقوامی کرکٹ حلقوں میں موضوع بحث رہا ہے۔

حال ہی میں بھارتی نژاد آسٹریلین کرکٹر کرشنن رادھا نے دونوں ہاتھوں سے اسپن بولنگ کرنے کا انوکھا اعزاز اپنے نام کیا ہے۔

آسٹریلین انڈر19 اسکواڈ میں شامل رادھا کرشنن الٹے ہاتھ سے بلے بازی جب کہ دونوں ہاتھوں سے بولنگ کرنے میں مہارت رکھتے ہیں۔ ان کا تعلق بھارت کی ریاست تامل ناڈو سے ہے۔

یاد رہے معروف بھارتی کرکٹرز دنیش کارتھک اور مرلی وجے کا تعلق بھی تامل ناڈو ہی سے ہے۔

تامل ناڈو پریمئیرلیگ سے اپنے کرکٹ کیرئیر کا آغاز کرنے والا یہ انوکھا اسپنر اپنی اسپن بولنگ میں مہارت کے باعث بلے بازوں کو پچ پر نچانے کا ہنر بخوبی جانتا ہے۔

رائٹ آرم آف بریک اور سلو لیفٹ آرم آرتھوڈوکس اسپن بولنگ میں مہارت رکھنے والے19سالہ رادھاکرشنن نے اپنے کیرئیر کا ا ٓغاز بطور آل راؤنڈر کیا ہے۔

 منفرد انداز سے دنیائے کرکٹ میں انکی انٹری کو کرکٹ حلقے دلچسپ قرار دے رہے ہیں۔ رادھا کرشنن معروف ویسٹ انڈین بلے باز سر گیری سوبرز کو اپنا آئیڈیل مانتے ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More