بحر الکاہل میں واقع ملک ٹونگا میں سونامی نے تباہی مچادی

بول نیوز  |  Jan 15, 2022

بحرالکاہل میں مختلف جزیروں پر آباد ملک ٹونگا میں سونامی جیسی بڑی لہروں نے تباہی مچادی ہے۔

غیر ملکی خبر ایجنسی کے مطابق بحر الکاہل میں نیوزی لینڈ کے قریب چھوٹے چھوٹے جزائر پر مشتمل ملک ٹونگا کے قریب سمندر کے اندر موجود آتش فشاں پہاڑ پھٹ پڑا ۔

ٹونگا کے قریب ہنگا ٹونگا ہنگا ہپائی کا آتش فشاں پہاڑ پھٹنے کے اثرات کو پورے جنوبی بحرالکاہل میں محسوس کیا گیا۔

ہنگا ٹونگا ہنگا ہپائی کا آتش فشاں پہاڑ ٹونگا کے دارالحکومت ’نوکوالوفا‘ 65 کلومیٹر دور واقع ہے۔

Tsunami videos out of Tonga 🇹🇴 this afternoon following the Volcano Eruption. pic.twitter.com/JTIcEdbpGe

— Jese Tuisinu (@JTuisinu) January 15, 2022

نوکوالوفا کی میرے تاؤفا نامی ایک خاتون نے بتایا کہ جب آتش فشاں پھٹا تو وہ رات کے کھانے کی تیاریاں کررہے تھے، اس دوران ایسا لگا کہ ان کے قریب بہت سارے بم پھٹے ہوں۔

میرے تاؤفا کا کہنا تھا کہ انہوں نے سب سے پہلے اپنی چھوٹی بہن کو لے کر میز کے نیچے پناہ لینے کی کوشش کی اور اپنے گھر والوں سے بھی یہی کہا۔ اس کے بعد ان کے گھر میں تیزی سے پانی داخل ہوا۔

میرے تاؤفا نے کہا کہ اس موقع پر ہر طرف سے صرف چیخیں ہی بلند ہورہی تھیں، ہر شخص صرف یہی کہہ رہا تھا کہ اونچائی پر جاؤ۔

More tsunami videos coming out of Tonga 🇹🇴 https://t.co/Uk3fkmGfyz

— Jese Tuisinu (@JTuisinu) January 15, 2022

ٹونگا جیولوجیکل سروس نے آتش فشاں اس قدر شدت سے پھٹا کہ اس میں نکلنے والی گیسیں، راکھ اور دھواں آسمان پر 20 کلو میٹر اونچائی تک گیا۔

آتش فشاں اس شدت سے پھٹا کہ اس کی آواز ٹونگا سے 800 کلو میٹر دور ملک فیجی کے دارالحکومت سووا میں بھی سنی گئی۔ جس کے بعد فیجی کی حکومت نے سونامی کا الرٹ جاری کردیا۔

ٹونگا سے 2300 کلو میٹر دور واقع نیوزی لینڈ نے اپنے عوام کو طوفانی لہروں کے حوالے سے خبردار کیا ہے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More