نوجوانوں کے لئے لاہور قلندر اور کراچی کنگز میچ میں فری انکلوثرز دیا جا رہا ہے، عثمان ڈار

بول نیوز  |  Jan 21, 2022

 وزیراعظم کے معاون خصوصی برائے نوجوان امور عثمان ڈار کا کہنا ہے کہ نوجوانوں کے لئے لاہور قلندر اور کراچی کنگز میچ میں فری انکلوثرز دیا جا رہا ہے۔

عثمان ڈار نے کہا کہ وزیر اعظم نے  لاہور قلندر کی کوششوں کو سراہا ہے، پاکستان میں کرکٹ ٹیلنٹ ہنٹ کے لئے مل کر کام کرنے کی ضرورت ہے۔

عثمان ڈار کا کہنا تھا کہ پہلی ترجیحات ہیں کہ نوجوانوں کو گراؤنڈز میں لانا ہے، کامیاب جوان اسپورٹس بھی سامنے لایا جارہا ہے۔

عثمان ڈار کا کہنا ہے کہ لاہور قلندرز نے جس طرح پاکستان کی کرکٹ میں خدمت کی اس پر انہیں خراج تحسین پیش کرتا ہوں، پاکستان میں گراؤنڈز تو ہیں لیکن ان کی تزئین و آرائش نہیں کی جاتی، اسپورٹس منسٹری کی جانب سے سیالکوٹ اور فیصل آباد میں ہائی پرفارمنس سینٹر قائم کیاجارہاہے۔

انکا کہنا تھا کہ کرکٹ ٹیلنٹ ہنٹ لاہور قلندر کے ساتھ ملکر کر رہے ہیں، چند روز قبل سیالکوٹ میں ٹرائل رکھے گئے تھے، ہزاروں نو۔جوانوں نے شرکت کی تھی۔

عثمان ڈار نے بتایا کہ اس ٹرائل میں محمد زاہد ایک نیا ٹیلنٹ سامنے لائے ہیں، محمد زاہد تیز باؤلر ہے اور اسکی اسپیڈ نوے میل سے زائد ہے،  وزیر اعظم سے بھی گزشتہ روز ملاقات کروائی گئی ہے۔

معاون خصوصی وزیر اعظم پاکستان کی آبادی نوجوانوں پر مشتمل ہے، نوجوانوں کو صحت مندانہ سرگرمیوں کی ضرورت ہے، اسپورٹس کو اکانومی کا درجہ ملنا چاہیے، پاکستان کے اسپورٹس اسٹارز کے لئے ذریعہ آمدن بنانا چاہتے ہیں۔

عثمان ڈار نے مزید کہا کہ شاہین شاہ آفریدی اور حارث رؤف جیسے کھلاڑی  لاہور قلندر نے پیدا کئے، لاہور قلندر نے پاکستان کو کئی اسٹارز دیئے ہیں۔

دوسری جانب سربراہ لاہور قلندر عاطف رانا نے کہا ہے کہ نیت صاف ہو تو کامیابی ملتی ہے، جو سفر لاہور قلندر نے شروع کیا تھا وہ پلئیر ڈویلپمنٹ پروگرام جاری ہے، آنے والے دنوں میں پورے پاکستان سے ٹیلنٹ سامنے لائیں گے۔ عاطف رانا

سربراہ لاہور قلندر عاطف رانا نے کہا کہ کروڑوںوجوانوں کو مواقع دینگے، کامیاب جوان کو جہاں جہاں کھیلوں میں خدمات چاہیے ہوں گی وہاں وہاں لاہور قلندرز کھڑا ہوگا۔

عاطف رانا نے کہا کہ گھروں میں بیٹھ کر گیمز کھیلنے والے نوجوانوں کے لیے بھی منصوبہ بنایا جارہا ہے، اسلام آباد میں ہائی پرفارمنس سینٹر قائم کرنے کا پروگرام تھا لیکن کرونا وائرس آگیا، پاکستان میں 12 سے زائد ہائی پرفارمنس سینٹر قائم کرنے کا پلان ہے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More