’بچہ لوگ گیم شو‘ آن ایئر ہونے سے پہلے ہی بچوں میں مقبول

بول نیوز  |  Jan 28, 2022

احمد علی بٹ کی میزبانی میں شروع ہونے والا پروگرام ’بچہ لوگ گیم شو‘ آن ایئر ہونے سے پہلے ہی مقبول ہوگیا۔

 پاکستان کے نمبر ون چینل ’بول انٹرٹینمنٹ‘ پر نامور اداکار احمد علی بٹ کی میزبانی میں شروع ہونے والے ’’بچہ لوگ گیم شو‘‘ کے حوالے سے انتظار کی گھڑیاں ختم ہوگئیں اور بچوں کے لیے یہ پروگرام کل سے ہر ہفتے کی شام 5 بجے صرف بول انٹرٹینمنٹ پر نشر ہوگا۔

بچوں کے لیے پاکستان کے پہلے گیم شو ’’بچہ لوگ گیم شو‘‘ نے ریلیز ہونے سے پہلے ہی مقبولیت کے تمام ریکارڈ توڑ دیے ہیں اور ملک بھر کے بچے اس پروگرام کو دیکھنے کے لیے بے تاب ہیں اور بے صبری سے 29 جنوری کا انتظار کررہے ہیں جس دن ’’بچہ لوگ گیم شو‘‘ کا آغاز ہوگا۔

یہ بھی پڑھیں؛ انتظار کی گھڑیاں ختم، بچوں کیلیے پاکستان کا پہلا گیم شو تہلکہ مچانے کیلیے تیار

’’بچہ لوگ گیم شو‘‘ کی مقبولیت کا اندازہ اس بات سے لگایا جاسکتا ہے کہ اب تک اس پروگرام کی تفصیلات سے متعلق ’’بول انٹرٹینمنٹ‘‘ کو سیکڑوں فون کالز اور ای میل موصول ہوچکی ہیں جن میں پروگرام کے حوالے سے دلچسپی کا اظہار کیا جارہا ہے اور اس میں شرکت کرنے سمیت مختلف سوالات پوچھے جارہے ہیں۔

پاکستان کے نامور اداکار وکامیڈین احمد علی بٹ کی میزبانی میں شروع ہونے والا یہ پروگرام بھی ’’بول انٹرٹینمنٹ‘‘ پر نشر ہونے والے دیگر ہٹ پروگرامز کی طرح بالکل منفرد ہے جس میں بچوں کو دلچسپ اور مختلف گیمز کھلائے جائیں گے جس میں گھر بیٹھے بچے بھی شرکت کرسکیں گے۔

احمد علی بٹ کی میزبانی میں شروع ہونے والے پروگرام ’’بچہ لوگ گیم شو‘‘ میں کیا دلچسپ ہوگا، اس حوالے سے صارفین کو صرف چند گھنٹے مزید انتظار کرنا ہوگا اور اس کے بعد وہ خود ’’بول انٹرٹینمنٹ‘‘ پر شام 5 بجے براہ راست دیکھ سکیں گے کہ کس طرح بچے اس پروگرام میں ہلہ گلہ کریں گے۔

یہ بھی پڑھیں؛ اداکار احمد علی بٹ ’’بچہ لوگ گیم شو‘‘ کی میزبانی کیلیے تیار

اداکار احمد علی بٹ کسی تعارف کے محتاج نہیں اور ان کا شمار پاکستان کے ان چند فنکاروں میں ہوتا ہے جنہوں نے چھوٹی اور بڑی اسکرین کے علاوہ موسیقی کے میدان میں بھی اپنا لوہا منوایا جب کہ پروگرام کی میزبانی میں بھی ان کا کوئی ثانی نہیں۔

 ویسے تو احمد علی بٹ کا شمار ملک کے نامور مزاحیہ اداکاروں کی فہرست میں ہوتا ہے لیکن وہ سنجیدہ کردار بھی بخوبی نبھاتے ہیں جب کہ وہ ’ جوانی پھر نہیں آنی‘ اور ’جوانی پھر نہی آنی ٹو‘ جیسی ہٹ فلموں میں بھی اداکاری کے جوہر دکھاچکے ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More