میڈیکل بورڈ کا شہباز گل کو فوری طور پر ڈسچارج نہ کرنے کا فیصلہ

ہم نیوز  |  Aug 18, 2022

اسلام آباد: چیئرمین پاکستان تحریک انصاف عمران خان کے چیف آف اسٹاف شہباز گل کو میڈیکل بورڈ نے فوری طور پر ڈسچارج نہ کرنے کا فیصلہ کیا ہے۔

ہم نیوز نے اس حوالے سے ذمہ دار ذرائع سے بتایا ہے کہ شہباز گل کل صبح تک پمز اسپتال میں ہی زیر علاج رہیں گے۔

انتہائی ذمہ دار ذرائع کا کہنا ہے کہ پی ٹی آئی رہنما شہباز گل کے کیے جانے والے کچھ میڈیکل ٹیسٹوں کی رپورٹس رات کو موصول ہوں گی۔

ہم نیوز نے ذرائع سے بتایا ہے کہ شہباز گل کے کئے جانے والے تمام ٹیسٹوں کے نتائج کو پیش نظر رکھ کر انہیں ڈسچارج کرنے کا فیصلہ کیا جائے گا۔

علاوہ ازیں شہباز گل کی لیگل ٹیم بھی پمز اسپتال پہنچ گئی ہے البتہ لیگل ٹیم کے ساتھ ان کے وکیل فیصل چودھری نہیں پہنچے ہیں۔

پمز اسپتال پہنچنے والی شہباز گل کی لیگل ٹیم نے کورٹ کا تحریری حکمنامہ بھی وہاں متعین پولیس حکام کے حوالے کردیا ہے۔

اسلام آباد ہائیکورٹ کی وکلا کو شہباز گل سے ملاقات کی اجازت

ہم نیوز کے مطابق شہباز گل کی لیگل ٹیم کے ہمراہ پی ٹی آئی رہنما اور سابق وفاقی وزیر مراد سعید بھی ہیں لیکن انہیں دروازے پر روک لیا گیا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More