بالی وُڈ اوریجنل نہیں ہوسکتی، نام بھی نقل ہے: ابھیشک شرما

اردو نیوز  |  Dec 01, 2022

بالی وُڈ کے ہدایتکار ابھیشک شرما کہتے ہیں کہ بالی وُڈ انڈسٹری اوریجنل نہیں ہو سکتی۔

ہندوستان ٹائمز کے مطابق ہدایتکار ابھیشک شرما نے بالی وُڈ کے اصلی ہونے پر سوال اٹھاتے ہوئے کہا کہ ’بالی وُڈ انڈسٹری سے اوریجنل ہونے کی امید کیسے کی جا سکتی ہے جب اس کا نام ہی کسی دوسرے (ہالی وُڈ) کی نقل ہے۔‘

ابھیشک شرما مزید کہتے ہیں کہ ’بالی وُڈ تو کسی صحافی کا لطیفہ ہوگا جو کہ زبان زدِ عام ہوگیا، اگر کسی کا نام ہی کسی دوسرے کی نقل ہوگی تو آپ کیسے امید لگائیں گے کہ وہ چیز اوریجنل ہو؟ کیا ہم واقعی ایک بالکل اصل انڈسٹری ہیں؟ ہمیں جانچنا ہوگا، ہمیں انفرادی طور پر اپنا فائدہ نقصان چھوڑ کر ایک ہوکر انڈسٹری کے لیے سوچنا ہوگا۔‘

گزشتہ کئی سالوں سے بالی وُڈ پر ریمیکس بنانے کا الزام لگایا جارہا ہے۔

بالی وُڈ کی فلمیں مسلسل جنوبی انڈیا کی فلموں کی ریمیک بن کر آتی ہیں جس پر ہندی فلم انڈسٹری کو شدید عوامی ردِ عمل کا سامنا کرنا پڑ رہا ہے۔

بالی وُڈ میں جہاں ریمیک فلموں کا دور چل رہا ہے وہیں کافی عرصے سے ریمیک گانوں کا بھی رواج عام ہے۔

بالی وُڈ کی فلموں میں پرانے گانوں یا پھر پنجابی گانوں کو ریمیک کیا جاتا ہے بلکہ انٹرنیشنل گانوں کو بلا اجازت ریمیک بھی کیا جاتا ہے جس سے بالی وُڈ چارٹ بسٹر بھی بری طرح متاثر ہو رہا ہے۔

ابھیشک شرما نے 2010 میں بطور ہدایتکار فلم ’تیرے بن لادن‘ سے فلم میکنگ کا اغاز کیا تھا اور ان کی آخری آنے والی فلم ’رامو سیتو‘ ہے جس میں اکشے کمار نے مرکزی کردار ادا کیا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More