کورونا سے بچاو کیلئے بھر پور عملی اقدامات کیے جارہے ہیں، عبدالقادر پٹیل

ہم نیوز  |  Jun 22, 2022

وفاقی وزیر صحت عبدالقادر پٹیل نے کہا ہے کہ کورونا وائرس سے بچاو کیلئے بھر پور عملی اقدامات کیے جارہے ہیں۔

وفاقی وزیر صحت  کی زیر صدارت این سی او سی اجلاس ہوا جس میں عبدالقادر پٹیل کو کورونا وائرس کی موجودہ صورتحال پر بریفنگ دی گئی۔

اجلاس میں ملک بھر میں کورونا وائرس سے نمٹنے کیلئے تمام پہلوؤں کا بغور جائزہ لیا گیا۔

بریفنگ میں بتایا گیا کہ ملک کی 85 فی صد اہل آبادی کی ویکسی نیشن مکمل ہو چکی ہے، پچھلے چند دنوں میں کورونا کیسز میں معمولی اضافہ ہوا ہے،صورت حال کی سخت مانیٹرنگ کی جارہی ہے۔

اس موقع پر وزیر صحت نے کہا کہ کورونا وائرس سے نمٹنے صورتحال کی کڑی نگرانی کی جارہی ہے، اس سے بچاو کیلئے تمام ضروری اقدامات کو یقینی بنارھے ہیں۔

انہوں نے کہا کہ وفاق اور صوبے ملکر کر عوام کو کرونا وائرس سے بچاو کیلئے ہر ممکن اقدامات کو یقینی بنارہے ہیں۔

ان کا کہنا تھا کہ ملک بھر میں ویکسینیشن اور ٹیسٹنگ نظام کو مزید تیز کرنے کی ضرورت ہے،وفاقی حکومت صوبوں کے ساتھ تعاون کیلئے شانہ بشانہ کھڑی ہے،

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More