بھارتی فوجی نےساتھی اہلکارکوقتل کرکےخودکشی کرلی

بول نیوز  |  Jan 15, 2020

مقبوضہ  کشمیرمیں بھارتی فورس کےاہلکارنے ساتھی کو قتل کرنےکےبعدخودبھی خودکشی کرلی ہے۔

مقبوضہ کشمیرمیں بھارتی پیراملٹری فورس کے ایک اہلکارنےاپنے ساتھی کانسٹیبل کوسرکاری رائفل سے فائرنگ کرکے قتل کیا اور خود کوبھی گولی مار کر خود کشی کرلی۔

کشمیرمیڈیاسروس کے مطابق مقبوضہ کشمیر میں انڈین سینٹرل انڈسٹریل سیکیورٹی فورس  کے ایک اہلکار نے معمولی تلخ کلامی پر اچانک اپنے ساتھی اہلکاروں پر اندھا دھند فائرنگ کردی جس کے نتیجے میں ایک اہلکارہلاک اور دوسرا شدید زخمی ہوگیا۔

ساتھی اہلکاروں پر فائرنگ کرنےکےبعد سیکیورٹی اہلکار وی این مرٹھی نے خود کو بھی گولی مار کر خود  کشی  کرلی  ۔

 فائرنگ سے ہلاک ہونے والے اہلکار کی شناخت محمد تسلیم کے نام سے ہوئی جب کہ زخمی اہلکار کا نام سنجے ٹھاکرے ہے۔

مقبوضہ کشمیر میں بھارتی فوج کے  اہلکاروں  کی جانب سے خودکشی اور معمولی جھگڑے پر ساتھی اہلکاروں کو قتل کرنے کے واقعات میں اضافہ ہوتا جا رہا ہے، 2017 سے ا ب تک   443 اہلکار خودکشی اور آپس کے جھگڑے میں ہلاک ہوچکےہیں ۔

 گزشتہ سال جون میں بھارتی فوج کےدواہلکاروں نے دوران ڈیوٹی خودکشی کرلی تھی۔

 جبکہ گزشتہ  سال  دسمبر میں  ہی    بھارت کی مسلح بارڈرفورس کے اہلکارنےاپنے ہی ساتھیوں پرفائرنگ کرکےپانچ فوجی ہلاک کردیےتھے ۔ جس کے بعدخود کوبھی گولی مارکرخودکشی کرلی تھی  ۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More