نو سالہ بچے کی ویڈیو نے سوشل میڈیا پر ہنگامہ برپا کردیا

بول نیوز  |  Feb 22, 2020

آسٹریلیا میں ایک نو سالہ پست قامت بچے کی ویڈیو نے سوشل میڈیا پر ہنگامہ برپا کردیا ہے۔

تفصیلات کے مطابق اس بچے نے اپنے قد کی وجہ سے اپنے اسکول کے بچوں کی باتوں اور شرارتوں سے تنگ آکر روتے ہوئے اپنی ماں سے خودکشی کی خواہش کا اظہار کیا ہے۔

آسٹریلیا کے ساتھ ساتھ پوری دنیا میں سوشل میڈیا کے ذریعے اس  ننھے بچے کی ویڈیو وائرل ہورہی ہے۔

 ویڈیو کو اب تک 14 ملین سے زائد بار دیکھا جاچکا ہے اور لوگ ننھے بچے کی سپورٹ میں آوازیں اٹھارہے ہیں۔

An Aussie mum's strong message about bullying has gone viral and is breaking people's hearts. pic.twitter.com/RBmLUBxtQf

— news.com.au (@newscomauHQ) February 20, 2020

یہ بچہ اسکول میں ساتھ پڑھنے والے بچوں کے رویوں سے اتنا دلبرداشتہ ہوگیا ہے کہ  رو رو کر اپنی ماں سے اپنی زندگی کا خاتمہ کرنے کی خواہش کا اظہار کررہاہے۔

اس  بچے کی عمر نو سال ہے لیکن قدرتی طو ر پر قد عمر کی مناسبت سے بڑھا نہیں جس کے باعث اسے روز اسکول میں بچے تنگ  کرتے ہیں۔

This is absolutely heartbreaking. God bless this little boy… Quaden – we are all with you! Stay strong! #TeamQuaden https://t.co/KbhFArmbDB

— Eric Trump (@EricTrump) February 20, 2020

یہ ویڈیو بچے کی پریشان اور غمزدہ  ماں نے خود ریکارڈ کر کے سوشل میڈیا پر شیئر کی ہے ۔

 اس ویڈیو میں سنا اور دیکھا جا سکتا ہے کہ ماں شکستہ دل کے ساتھ اسے سمجھانے کی کوشش کررہی ہے کہ کیا بچے اس طرح اپنی زندگی کا خاتمہ کرتے ہیں، تاہم بچہ اتنا دلبرداشتہ ہوچکاہے کہ اپنی ماں کو کہہ رہا ہے آپ کو بھی میری کوئی پرواہ نہیں، میں جینا نہیں چاہتا، میں چاہتا ہوں کہ کوئی آکر مجھے ماردے۔

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More