کورونا وائرس کی معلومات اب موبائل فون پر دستیاب، پاکستانی صارفین کے لیے نئی ایپ متعارف

سچ ٹی وی  |  Apr 08, 2020

وزارتِ انفارمیشن ٹیکنالوجی کی جانب سے جاری ہونے والے اعلامیے کے مطابق موبائل ایپ آئی او ایس آپریٹنگ سسٹم استعمال کرنے والے صارفین ڈاؤن لوڈ کرسکتے ہیں۔

اینڈرائیڈ آپریٹنگ سسٹم والے صارفین کے لیے جلد ہی ایپ متعارف کرائی جائے گی جس کی تیاری پر کام جاری ہے۔

وزارت آئی ٹی کے ترجمان کا کہنا ہے کہ موبائل ایپ COVID-19 GOV PK کے نام سے آئی او ایس اسٹور پر موجود ہے۔

اس ایپ پر کورونا وائرس سے متعلق تمام مصدقہ معلومات صارفین کو اُن کے موبائل پر فراہم کی جائے گی۔ نئے کیسز، اموات اور مجموعی تعداد سمیت دیگر اہم اطلاعات بھی ایپ پر فراہم کی جائیں گی۔

یہ ایپ حکومت پاکستان کی جانب سے کورونا وائرس کے حوالے سے متعارف کرائی جانے والی ویب سائٹ سے جڑی ہوگی، ویب پورٹل کے اپ ڈیٹ ہوتے ہی صارف کو بھی تمام معلومات موبائل پر موصول ہوجائیں گی۔

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More