کاون ہاتھی کی چڑیا گھر سے منتقلی پر امریکی گلوکارہ حکومت پاکستان کی شکرگزار

ہم نیوز  |  May 22, 2020

اسلام آباد ہائی کورٹ نے شہر کے چڑیا گھر سے ہاتھی کاون سمیت تمام جانوروں کو محفوظ پناہ گاہوں میں منتقل کرنے کا حکم دیا ہے جس پر امریکی پاپ گلوکارہ شیر نے خوشی کا اظہار کرتے ہوئے حکومت پاکستان کا شکریہ ادا کیا ہے۔

I WISH TO THANK THE PAKISTANI GOVERNMENT❣️

— Cher (@cher)

اداکارہ نے سماجی رابطوں کی ویب سائٹ پر تین ٹویٹ کیے جنہیں ان کے ہزاروں فالورز نے ری ٹویٹ کیا ہے۔ اداکارہ نے لکھا کہ یہ میری زندگی کو بہت بڑا لمحہ ہے۔

THIS IS ONE OF THE GREATEST MOMENTS OF MY LIFE. CANT STOP😭,🥰,BEING SICK 2 MY STOMACH.(Ate🎂in The night & Was SOOOO Sick,Still am.Can you O.D from too much🎂)⁉️ BUT🐘KAAVAN IS FREE🙏🏻 😭DOWN MY CHEEKS,BUT HES FREE,& 🕊DID IT🙌🏻.GINA,👑JEN👑👏🏻

— Cher (@cher) May 21, 2020

کاون ہاتھی کی چڑیا گھر سے رہائی کیلئے بین الاقوامی اور ملکی سطح پر مہم چلائی گئی تھی اس مہم میں امریکی گلوکارہ شیر بھی پیش پیش رہی تھیں۔

جانوروں کے حقوق کے لیے کام کرنے والے چند اداروں اور اسلام آباد کے شہریوں نے چڑیا گھر کے سامنے مظاہرے بھی کیے تھے۔

فائل فوٹو

کاون کو چھ سال کی عمر میں اسلام آباد کے چڑیا گھر میں لایا گیا تھا اور یہاں اس کو32 سال ہوچکے ہیں۔ ہائی کورٹ نے اپنے حکم نامے میں لکھا کہ کاون نامی ہاتھی کو اذیت ناک حالات میں رکھا گیا ہے۔ چڑیا گھر سے جانوروں کی منتقلی کی نگرانی چیئرمین وائلڈ لائف کی سربراہی میں قائم کیا جانے والا بورڈ کرے گا۔

یہ بھی پڑھیں:عدالت کا مرغزار چڑیا گھر کے جانوروں کو محفوظ پناہ گاہوں میں منتقل کرنے کا حکم

محکمہ جنگلی حیات کے سربراہ کو حکم دیا گیا ہے کہ وہ سری لنکا کے ہائی کمشنر کی مشاورت سے کاون کو ایک ماہ کے اندر مناسب پناہ گاہ میں منتقل کرنے کا انتظام کریں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More