سجل علی احد رضا میر کے نقشِ قدم پر چل پڑیں

ہم نیوز  |  Jun 03, 2020

اسلام آباد: معروف اداکارہ سجل علی نے اپنے شوہر احد رضا میر کے نقشِ قدم پر چلتے ہوئے مداحوں کو کتوں سے پیار کرنے کا مشورہ دیا ہے۔

سجل علی نے فوٹو اور ویڈیو شیئرنگ ایپلیکیشن (ایپ) انسٹاگرام پر ایک تصویر شیئر کی جس میں وہ پیار سے کتے کو سہلا رہی ہیں۔

تصویر کے ساتھ پیغام میں سجل علی نے لکھا کہ ’میں ہمیشہ کتوں سے خوفزدہ رہی ہوں اور ابھی بھی تھوڑی سی ہوں، مگر اب مجھے یہ احساس ہوا ہے کہ اگر آپ ان کا خیال رکھیں اور اپنا دوست بننے کا موقع دیں تو ان سے زیادہ دل موہ لینے والا کوئی نہیں ہے۔‘

 

View this post on Instagram

 

I’ve always been scared of dogs, and still am just a little bit. But I realized that once you understand them and give them a chance to be your friend, they are the sweetest. Also please remember, especially during times like these, we should be kind to each other. 🙏❤️ #stayhomestaysafe #pleasebekind

A post shared by Sajal Ahad Mir (@sajalaly) on Jun 1, 2020 at 11:08pm PDT

ہم ٹی وی کے ڈرامہ سیریل  ’یقین کا سفر‘ میں اداکاری کے جوہر دکھا کر شہرت کی بلندیوں کو چھونے والی اداکارہ نے مداحوں کو پیغام دیا کہ ہم ایک ایسے وقت سے گزر رہے ہیں جس میں ہمیں خاص طور پر ایک دوسرے کے ساتھ مہربانہ رویہ روا رکھنا چاہیے۔

خیال رہے کہ سجل علی کے شوہر اداکار احد رضا میر جانوروں خاص طور پر کتوں کے دلدادہ ہیں۔

یہ بھی پڑھیں: 

کچھ عرصہ قبل  احد نے  انسٹاگرام پر ایک پوسٹ شیئر کی تھی جس میں ان کا کہنا تھا کہ انہیں جانوروں کے لیے کام کرنے سے محبت ہے، لوگ یہ جان کر حیرت زدہ رہ جائیں گے کہ جانور آپ کو بدلے میں کتنا پیار دیتے ہیں۔

ڈرامہ سیریل ’یہ دل میرا‘ کے پردہ کے پیچھے کے ایک منظر کی تصویر مداحوں سے شیئر کرتے ہوئے ان کا کہنا تھا کہ ’ایک بڑے برے بھیڑیے سے کون ڈرتا ہے؟‘

 

View this post on Instagram

 

Who’s afraid of a Big Bad Wolf? I love working with animals. You’d be surprised how much they give to you. If you’re scared of dogs, try to over come your fear by understanding them a little better. 🐶 #YehDilMera

A post shared by Ahad Raza Mir (@ahadrazamir) on Jan 30, 2020 at 4:56am PST

تصویر میں احد رضا میر ایک سفید رنگ کے کتے کو پکڑ کر بیٹھے ہوئے تھے۔

انہوں نے مزید لکھا کہ اگر آپ کتوں سے خوفزدہ ہیں تو انہیں تھوڑا سا جان کر اس خوف سے چھٹکارا پانے کی کوشش کریں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More