امریکہ،ایک لاکھ کیسز روزآنہ آنے پر حیرت نہیں ہو گی:ڈاکٹر فاؤسی

ہم نیوز  |  Jul 01, 2020

واشنگٹن: امریکہ کے نیشنل انسٹی ٹیوٹ آف الرجی کے ڈائریکٹر ڈاکٹر انتھونی فاؤسی (Dr. Anthony Fauci) کا کہنا ہے کہ اگر امریکہ میں یومیہ ایک لاکھ کورونا وائرس کے نئے کیسز رپورٹ ہونے لگیں تو انہیں قطعی حیرت نہیں ہو گی۔

عالمی خبر رساں ایجنسی کے مطابق انہوں نے یہ بات امریکی سینیٹ میں کہی ہے۔ انہوں نے واضح طور کہا کہ عالمی وبا قرار دیے جانے والے کورونا وائرس کی روک تھام کے لیے ہم درست سمت میں نہیں جا رہے ہیں۔

انہوں نے تجویز پیش کی کہ امریکہ میں اچھے معیاری ماسک شہریوں میں مفت تقسیم کرنے چاہئیں۔

ڈاکٹر فاؤسی نے مہلک وبا کے حوالے سے صاف الفاظ میں کہا کہ ابھی تک ہم اس پر قابو نہیں پا سکے ہیں۔ ان کا کہنا تھا کہ امریکی نہ تو ماسک کا استعمال کررہے ہیں اورنہ ہی سماجی فاصلے کو یقینی بنا رہے ہیں۔

خبر رساں ایجنسی کے مطابق انہوں نے سینیٹ کو بتایا کہ امریکہ میں سامنے آنے والے نئے کیسز میں سے نصف صرف چار ریاستوں کے ہیں۔

امریکہ میں منگل کے دن ایک مرتبہ پھر کورونا وائرس کے ایک دن میں 40 ہزار نئے کیسز رپورٹ ہوئے ہیں۔

دستیاب اعداد و شمار کے مطابق گزشتہ پانچ دنوں میں یہ چوتھی مرتبہ ہوا ہے کہ ایک دن میں کورونا وائرس کے نئے کیسز اتنی بڑی تعداد میں ریکارڈ کیے گئے ہیں۔

’برطانیہ کورونا کی دوسری لہر کیلیے تیار رہے‘

عالمی ادارہ صحت کے سربراہ نے بھی گزشتہ روز پریس بریفنگ میں خبردار کیا تھا کہ مہلک وبا کورونا وائرس تیزی سے پھیل رہا ہے اور اس کے جلد ختم ہونے کے امکانات نہیں ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More