پاکستان کے تمام ایئرپورٹس سے پروازوں کی اجازت

اردو نیوز  |  Aug 08, 2020

حکومت پاکستان نے ملک کے تمام ایئرپورٹس سے نو اگست سے ہر قسم کی اندرونی اور بین الاقوامی پروازوں کی اجازت دے دی ہے۔

پاکستان کے ایوی ایشن ڈویژن کے ایک ترجمان عبدالستار کھوکھر کے مطابق حکومت نے ملک کے تمام ایئرپورٹس سے فلائیٹس کی اجازت  کورونا وائرس سے پہلے دی گئی اجازت نامے کے مطابق دی ہے۔

ان پروازوں میں مال برادار اور خصوصی پروازیں بھی شامل ہیں۔

تاہم ترجمان کا کہنا تھا کہ ’یہ تمام آپریشن متعلقہ ضوابط اور وقتآ فوقتآ جاری کی گئی ایس او پیز کے مطابق چلائی جائیں گی۔‘

خیال رہے  پاکستان نے جون کے مہینے میں ملک کے تمام بڑے ائرپورٹس سے بین الاقوامی فلائٹس کی آمدورفت بحال کرنے کی اجازت دے دی تھی۔

تاہم تربت اور گوادر ایئرپورٹس سے فلائیٹس کی اجازت نہیں دی گئی تھی۔

اس وقت وزیراعظم عمران خان نے کہا تھا کہ ’فضائی آپریشن بحال کرنے کا مقصد ہمارے بیرون ملک مقیم پاکستانیوں کی مدد کرنا ہے جو اس عالمی وبا میں سب سے زیادہ متاثر ہوئے ہیں، لیکن انہوں نے ہمت کا مظاہرہ کر کے ہمارا سر فخر سے بلند کیا ہے۔ ہم آپ کو خوش آمدید کہتے ہیں اور ہماری حکومت آپ کو ہر سہولت فراہم کرے گی۔‘

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More