جی 20 وزرائے توانائی کانفرنس، سرکلر کاربن معیشت پلیٹ فارم کا انتخاب کر لیا گیا

سچ ٹی وی  |  Oct 31, 2020

سعودی عرب کی زیر صدارت ہونے والی جی 20 وزرائے توانائی کے اجلاس کا مشترکہ اعلامیہ جاری کردیا گیا ہے، اعلامیے میں کہا کہ سرکلر کاربن معیشت کی اہمیت کا علم ہے، یہ مضر گیسوں کو قابو کرنے کے لیے موثر، مکمل اور حقیقت پسندانہ طریقہ کار ہے اسے ہر ملک اپنے حالات اور ترجیحات کو سامنے رکھ کر نافذ کرسکتا ہے۔

وزرائے توانائی نے کہا کہ اس کے لئے ملکی اور علاقائی حالات کو مدنظر رکھنا ہوگا، مختلف مواقع تلاش کرنے کے لیے جدوجہد کرنا ہوگی، سرکلر کاربن معیشت پلیٹ فارم کا انتخاب بھی ہمارے سامنے ہے، اس کی بدولت معمولی لاگت والی توانائی حاصل کی جاسکے گی اور سب لوگ اس پر انحصار کرسکیں گے۔

اجلاس کے اعلامیے میں کہا گیا کہ جی 20 کے وزرائے توانائی نے اطمینان دلایا ہے کہ جی ٹوئنٹی میں شامل ممالک ملکی حالات اور سسٹم کے موثر ہونے کو مدنظر رکھتے ہوئے اپنے یہاں یہ پروگرام نافذ کریں گے۔

کنگ عبداللہ پٹرولیم ریسرچ اینڈ اسٹڈیز سینٹر نے سرکلر کاربن معیشت گائیڈ تیار کی ہے، یہ اس بات کا ثبوت ہے کہ اس سال جی 20 کا قائد سعودی عرب توانائی کے چیلنجوں سے نمٹنے کے عہد کی پابندی کررہا ہے۔ سعودی عرب نجی اداروں میں سرکلر کاربن معیشت کا طریقہ کار اپنانے پر بھی توجہ کئے ہوئے ہے۔ سعودی آرامکو نے جو پوری دنیا میں سب سے بڑی تیل کمپنی ہے اپنی ویب سائٹ پر جاری بیان میں کہا ہے کہ وہ توانائی کی استعداد اور ٹیکنالوجی اپنا رہی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More