اوتھل: مسافر کوچ کوحادثہ، 2لیویز اہلکار سمیت 8افراد جاں بحق

سماء نیوز  |  Jan 20, 2021

بلوچستان کے شہر اوتھل کے قریب مسافر کوچ پھسلن کے باعث ليويز چيک پوسٹ سے ٹکرانے کے بعد الٹ گئی جس کے نتیجے میں 2لیویز اہلکار سمیت 8افراد جاں بحق ہوگئے۔

حادثے میں 22 افراد زخمی ہوئے جس میں سے 6 افراد کی حالت تشویشناک بتائی جا رہی ہے۔

مسافر کوچ پنجگور سے کراچی آ رہی تھی کہ قومی شاہراہ پر اوتھل کے قریب ليويز چيک پوسٹ پر ليويز اہلکاروں نے چيکنگ کے لیے روکا لیکن بریک لگانے پر بس پھسل گئی۔

عينی شاہدين کے مطابق ڈرائيور نے بريک مارا تو بس پھسل گئی اور قریب ہی واقع لیویز چیک پوسٹ سے ٹکرا گئی۔ چيک پوسٹ ميں ڈيوٹی پر تعينات 2 ليويز اہلکار بھی جاں بحق ہوگئے۔

واقع میں جاں بحق افراد کی میتوں اور زخمیوں کو سول اسپتال بیلہ منتقل کر دیا گیا۔ جاں بحق ہونے والوں کی شناخت کا عمل مکمل ہونے کے بعد میتیں ورثا کے حوالے کی جائیں گی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More