اسرائیل نے متحدہ عرب امارات میں اپنا سفارتخانہ قائم کردیا

ہم نیوز  |  Jan 25, 2021

جیروشلم: اسرائیل نے متحدہ عرب امارات میں اپنا سفارتخانہ قائم کردیا ہے۔ اس بات کا اعلان اسرائیل کی وزارت خارجہ کی جانب سے کیا گیا ہے۔

متحدہ عرب امارات نے اتوار کے دن تل ابیب میں اپنا سفارتخانہ قائم کرنے کا اعلان کیا تھا۔ یہ اعلان متحدہ عرب امارات کی کابینہ کی جانب سے دی جانے والی منظوری کے بعد کیا گیا تھا۔

مؤقر امریکی نشریاتی ادارے اے بی سی نیوز کے مطابق سفارتخانے کا قیام گزشتہ سال دونوں ممالک کے درمیان تعلقات کے قیام کے بعد عمل میں آیا ہے۔

اسرائیلی وزارت خارجہ کی جانب سے اس ضمن میں کہا گیا ہے کہ فی الوقت سفارتخانہ عارضی طور پر قائم کیا گیا ہے جو جلد ہی مستقل بنیادوں پر ایک عمارت میں منتقل کردیا جائے گا۔

اے بی سی نیوز کے مطابق اسرائیلی سفارتخانے کی سربراہی اس وقت اسرائیل کے تجربہ کار اور بزرگ سفارتکار ایٹین ناایھ (Eitan Na’eh) کے سپرد کی گئی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More