واٹس ایپ چیٹ ہسٹری کو ٹیلی گرام پر کیسے منتقل کیا جائے؟ آسان طریقہ جانیں

بول نیوز  |  Jan 29, 2021

ٹیلی گرام انتظامیہ نے ایپ کی مقبولیت کو مزید فروغ دینے کیلئے واٹس ایپ صارفین کو چیٹ ہسٹری واٹس ایپ سے ٹیلی گرام پر منتقل کرنے کا آپشن دے دیا ہے۔

تفصیلات کے مطابق اس سے قبل یہ آپشن  صرف  آئی فون صارفین کیلئے دستیاب تھا  لیکن اب انتطامیہ نے  اینڈرائیڈ صارفین کو بھی اس آپشن کی سہولت فراہم کر دی ہے۔

یہ سہولت ان صارفین کے لیے دراصل ایک ٹپ ہے جو واٹس ایپ کی پرائیویسی پالیسی سے تحفظات ہونے کے باوجود واٹس ایپ سے دوری اختیار کرنے پر ہچکچا رہے ہیں۔

فیس بک کی زیر ملکیت کمپنی واٹس ایپ کی جانب سے پرائیویٹ پالیسی میں تبدیلی کے اعلان کے بعد سے واٹس ایپ صارفین متبادل ایپلیکیشن کی تلاش میں ہیں۔

رپورٹ کے مطابق صارف کو واٹس ایپ چیٹ ہسٹری منتقل کرنے کے لیے دونوں ایپس کے تازہ ترین ورژن کی ضرورت ہوگی۔

درج ذیل طریقے پر عمل کرتے ہوئے صارفین واٹس ایپ سے ٹیلی گرام پر اپنی چیٹ ہسٹری با آسانی منتقل کرسکتے ہیں۔

واٹس ایپ اوپن کرنے کے بعد اس چیٹ کو ٹیپ کریں جسے آپ ٹیلی گرام پر منتقل کرنا چاہتے ہیں اس کے بعد کانٹیکٹ انفو مینو میں جائیں اور ایکسپورٹ چیٹ کا آپشن منتخب کریں۔

آپشن منتخب کرنے کے بعد آپ کو Attach Mediaاور Without Media  کا آپشن نظر آئے گا، اس کے بعد شیئرنگ مینو سے ٹیلی گرام کا انتخاب کریں اور جس کانٹیکٹ پر آپ درآمد شدہ چیٹ منتقل کرنا چاہتے ہیں اسے منتخب کریں۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More