امریکا: برفانی طوفان، نظام زندگی متاثر، ہلاکتوں کی تعداد 36 ہوگئی

بول نیوز  |  Feb 19, 2021

امریکا میں برفانی طوفان کے سبب نظام زندگی متاثر ہوگیا ہے۔

عالمی خبر رساں ادارے کے مطابق امریکی ریاستوں میں اس سال موسم سرما ہلاکت خیز ثابت ہوا ہے۔ برفباری اور طوفان کا سلسلہ جاری ہے جس کے باعث ٹیکساس ، کینٹکی اور مسوری میں ہلاک ہونے والے افراد کی تعداد 36 تک جا پہنچی ہے۔

مختلف ریاستوں میں پائپ لائنز میں پانی جمنے سے شہریوں کو دہرے مسائل کا سامنا ہے، لوزی اینا میں 10 لاکھ افراد پینے کے صاف پانی سے محروم ہیں۔

ریاست ٹیکساس میں صورتحال بہترہونے لگی، 20 لاکھ گھروں کو بجلی کی فراہمی بحال کردی گئی ہے جبکہ کئی دیگر ریاستوں میں اب بھی لاکھوں افراد بجلی سے محروم ہیں۔

امریکی صدر جو بائیڈن نے تاریخی طوفان سے متاثرہ افراد کے لئے اضافی ہنگامی وسائل کی فراہمی کے عزم کا اظہار کیا ہے۔

ذرائع کے مطابق ریلیف کیمپ قائم کردیئے گئے ہیں جب کہ اسپتالوں میں ایمرجنسی نافذ ہے اور پولیس کو بے گھر افراد کو سردی سے بچانے کے لیے  انتظام کرنے کی ہدایت کی گئی ہے۔

 

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More