ملک میں جاری سیاسی عدم استحکام یا کچھ اور ۔۔۔۔ بیرونی سرمایہ کاری میں کتنی کمی آگئی اور اسکی وجہ کیا ہے؟ جانیے

روزنامہ اوصاف  |  Feb 22, 2021

اسلام آباد(نیو زڈیسک) ملک میں جاری سیاسی عدم استحکام اور کرونا کے عالمی معاشی اثرات کی وجہ سے پاکستان میں سرمایہ کاری میں نمایاں کمی دیکھی جارہی ہے۔اسٹیٹ بینک کے اعدادوشمار کے مطابق نئے سال کے آغاز پر پاکستان میں غیرملکی سرمایہ کاری 85 فیصد کم رہی۔ جنوری 2021 میں مجموعی غیرملکی سرمایہ کاری 24 کروڑ ڈالر تک محدود رہی۔ گزشتہ سال جنوری کے مہینے میں ایک ارب 60 کروڑ97 لاکھ ڈالر کی سرمایہ کاری کی گئی تھی۔جنوری 2020 میں غیرملکی بانڈز میںسرمایہ کاری کا حجم ایک ارب 38 کروڑ73 لاکھ ڈالر ریکارڈ کیا گیا۔ جنوری 2021 میں براہ راست غیرملکی سرمایہ کاری 19 کروڑ27لاکھ ڈالر رہی،جنوری 2021 میں غیرملکی پبلک انویسٹمنٹ 4 کروڑ ڈالر تک محدود رہی۔رواں مالی سال کے پہلے سات ماہ میں مجموعی غیرملکی سرمایہ کاری 2ارب 68 کروڑ ڈالر کم رہی۔جولائی تا جنوری کے دوران مجموعی غیرملکی سرمایہ کاری گزشتہ سال کے مقابلے میں 78 فیصد کم رہی۔براہ راست غیرملکی سرمایہ کاری 27.4 فیصد کمی سےایک ارب 14 کروڑ53 لاکھ ڈالر کم رہی۔جولائی تا جنوری اسٹاک مارکیٹ سے 23 کروڑ63 لاکھ ڈالر کی سرمایہ کاری نکالی گئی۔غیرملکی نجی سرمایہ کار ی43 فیصد کمی سے 90کروڑ84 لاکھ ڈالر کم رہی
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More