سوئٹزرلینڈ: نقاب پرپابندی، 51فیصد عوام نے حمایت کردی

سماء نیوز  |  Mar 08, 2021

فوٹو: اے ایف پی

سوئٹزرلینڈ میں عوامی ریفرنڈم کے ذریعے معمولی اکثریت نقاب پر پابندی عائد کردی گئی۔

حجاب پر پابندی عائد کرنے سے متعلق عوامی ریفرنڈم میں رائے شماری ہوئی جس میں معمولی اکثریت کے باعث عوامی مقامات پر حجاب پہننے پر پابندی عائد کردی گئی۔

مقامی حکومت کی جانب سے جاری اعلان میں کہا گیا ہے کہ حجاب کے حق میں 51.2 فیصد ووٹ پڑے جب کہ 49 فیصد سے کچھ زائد نے حجاب پر پابندی کی مخالفت کی۔

سوئٹزرلینڈ:عوامی مقامات پرنقاب پرپابندی،ووٹنگ7مارچ کوہوگی

سوئزرلینڈ کی مقامی حکومت نے یورپی یونین کے ممبر ممالک فرانس، بیلجیم، آسٹریا اور ڈنمارک کی طرح برن میں بھی مسلم خواتین کے عوامی مقامات پر نقاب یا برقعے کے استعمال پر پابندی عائد کرنے کا فیصلہ کیا ہے۔

واضح رہے کہ سوئٹزرلینڈ میں 40 ہزار سے زائد مسلمان آباد ہیں جو کل آبادی کا 5 فیصد تصور کیے جاتے ہیں۔

ملک میں ریفرنڈم کا مطالبہ دائیں بازو کی قدامت پسند سیاسی جماعت ’اَیگرکِنگر کمیٹی‘ نے کیا تھا۔ ریفرنڈم کے نتائج پر اس جماعت نے جشن بھی منایا۔

یاد رہے کہ سوئٹزر لینڈ میں براہ راست جمہوری نظام ہے اور یہاں آئے دن متنازعہ معاملات پر عوامی ریفرینڈم منعقد ہوتے رہتے ہیں۔ اگر کسی بھی معاملے پر ایک لاکھ لوگوں کے دستخط حاصل ہوجاتے ہیں تو 86 لاکھ کی آبادی والے اس ملک میں اسے ریفرینڈم کے لیے پیش کیا جاسکتا ہے۔

فرانسیسی صدر کی اسکارف پر پابندی کی کوشش ناکام

پابندی سے کیا ہوگا؟

 پابندی عائد ہوجانے کے بعد کسی بھی شخص کو عوامی مقامات بشمول دکانوں اور دیہی علاقوں میں بھی اپنے چہرے کو مکمل طور پر پوشیدہ رکھنے کی اجازت نہیں ہوگی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More