اپوزیشن جتنا مرضی شور مچالے، حکومت مدت پوری کرے گی، عثمان بزدار

بول نیوز  |  Mar 08, 2021

وزیراعلیٰ پنجاب سردارعثمان بزدار نے کہا ہے کہ اپوزیشن جتنا مرضی شور مچالے، حکومت مدت پوری کرے گی، پروپیگنڈا کی سیاست اپوزیشن کا وطیرہ ہے۔

وزیراعلیٰ پنجاب سردار عثمان بزدار سے صوبائی وزیر سید صمصام علی بخاری اور اراکین قومی اسمبلی نے ملاقات کی ، ملاقات کرنے والوں میں سردار نصراللہ خان دریشک، سردار طالب نکئی، رضا نصراللہ، خرم شہزاد، ڈاکٹرمحمد افضل خان اور ریاض فتیانہ شامل تھے۔

ملاقات کے دوران منتخب نمائندوں نے وزیراعلیٰ عثمان بزدار کو حلقوں کے مسائل سے آگاہ کیا جس پر وزیراعلیٰ نے مسائل کا نوٹس لیتے ہوئے ان کے حل کیلئے احکامات جاری کردیے۔

اس موقع پر وزیراعلیٰ عثمان بزدار کا کہنا تھا کہ عوام کی حمایت سے مخالفین کی ہر سازش پہلے بھی ناکام بنائی اور آئندہ بھی یہ عناصر کامیاب نہیں ہوں گے۔

انہوں نے کہا کہ تنقید برائے تنقید کرنے والوں کوعوامی خدمت کے ذریعے جواب دیتے رہیں گے، مخالفین اپنے 30 برس کے سیاہ دور کا ہمارے اڑھائی برس کے روشن دور سے موازنہ نہیں کر سکتے۔

عثمان بزدار کا کہناتھا کہ سازشی عناصر نئے پاکستان کے سفر میں رخنہ ڈالنے کے درپے ہیں، ان کا یہ خواب ہمیشہ ادھورا رہے گا۔

وزیراعلیٰ پنجاب نے کہا کہ پروپیگنڈا کی سیاست اپوزیشن کا وطیرہ ہے، اپوزیشن جتنا مرضی شور مچالے، حکومت مدت پوری کرے گی۔

انہوں نے مزید کہا کہ پنجاب میں ہر کام منتخب نمائندوں کی مشاورت سے ہوتا ہے، عوام کی خدمت میرا نصب العین ہے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More