پاکستان نے تیسرے ون ڈے میں جنوبی افریقا کو شکست دے کر سیریز اپنے نام کرلی

بول نیوز  |  Apr 07, 2021

جنوبی افریقا کے خلاف تیسرے اور فیصلہ کن میچ میں پاکستان نے جنوبی افریقا کو  شکست دے کر سیریز اپنے نام کرلی ہے۔

سنچورین میں کھیلے گئے میچ میں جنوبی افریقا کے کپتان نے ٹاس جیت کر  پہلے فیلڈنگ کا فیصلہ کیا جو کہ غلط فیصلہ ثابت ہوا۔

پاکستان کی جانب سے امام الحق اور فخر زمان نے اننگز کا آغاز کیا اور دونوں کھلاڑیوں نے ٹیم کو  112 رنز کا شاندار آغاز دیا، امام الحق کے آؤٹ ہونے کے بعد فخر زمان نے کپتان بابر اعظم کے ہمراہ ٹیم کا اسکور آگے بڑھایا اور اپنی سنچری مکمل کی۔

بابر اعظم نے بھی ذمہ دارانہ اننگز کھیلی اور 94 رنز بنا کر میچ کی آخری گیند پر آؤٹ ہوئے جبکہ میچ کے آخر میں حسن علی نے جارحانہ اننگز کھیلتے ہوئے 32 رنز بنائے۔

پاکستانی ٹیم نے مقررہ 50 اوورز میں 7 وکٹوں کے نقصان پر 320 رنز بنائے۔

بولنگ میں جنوبی افریقا کی جانب سے مہاراج  3 اور مکرام  2  وکٹیں حاصل کرکے نمایاں بولر رہے۔

ہدف کے تعاقب میں جنوبی افریقا کا آغاز اچھا نہ رہا۔

بیٹنگ میں جنوبی افریا کی جانب سے جانیمن ملان 70 رنز بناکر نمایاں بیٹسمین رہے جبکہ کائل ویرنے 62،اینڈائل فیلوکوائیو نے 54 رنز بنا کر دیگر نمایاں بیٹسمین رہے۔

بولنگ میں پاکستان کی جانب سے  محمد نواز نے 3 کھلاڑیوں کو پویلین روانہ کیا جبکہ شاہین شاہ آفریدی نے3 اور حارث رؤف نے 2 وکٹیں حاصل کیں۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More