پی ٹی آئی ارکان جان چکے ہیں حکومت نااہل ہے، عابد شیر علی

بول نیوز  |  Apr 12, 2021

پاکستان مسلم لیگ ن کے رہنما عابد شیر علی نے کہا ہے کہ پی ٹی آئی ارکان جان چکے ہیں حکومت نااہل ہے۔

تفصیلات کے مطابق پاکستان مسلم لیگ ن کے رہنما عابد شیر علی نے بول نیوز کے پروگرام نیشنل ڈیبیٹ میں گفتگو کرتے ہوئے کہا کہ پی ٹی آئی حکومت نے ن لیگ رہنماؤں کوانتقام کا نشانہ بنایا۔

پاکستان مسلم لیگ ن کے رہنما نے کہا کہ شہبازشریف صرف الزامات پر ایک سال سے جیل میں ہیں جبکہ جہانگیرترین کے ساتھ جو ہورہا ہے ٹوپی ڈرامہ ہے، حکومت نےجہانگیرترین کو این آر او دیکر لندن جانےدیا۔

عابد شیر علی نے یہ بھی کہا کہ ن لیگ نے پی ڈی ایم معاہدے کی پاسداری کی، یوسف رضا گیلانی کو سینیٹر بنوایا۔چیئرمین سینیٹ کےخلاف عدم اعتماد میں پی پی ساتھ دے۔

پاکستان مسلم لیگ ن کے رہنما کا کہنا تھا کہ حکومت غریب کو نہیں چوروں کوسبسڈی دیتی ہے، ملک میں مہنگائی کا طوفان بجلی 26روپے یونٹ کی پڑے گی۔

عابد شیر علی کا یہ بھی کہنا تھا کہ نوازشریف نے ملک کو ترقی دی لیکن موجودہ حکومت نے تباہی مچادی ہر چیز مہنگی ہوگئی غریب پانی سے روٹی کھائےگا۔

پاکستان مسلم لیگ ن کے رہنما عابد شیر علی کا مزید کہنا تھا کہ مریم نوازکے ملک سے باہر جانےکی باتیں افواہیں ہیں اور نوازشریف ایک منٹ لندن میں نہیں رہناچاہتے، نوازشریف عزت وشان سے جلد پاکستان واپس آئیں گے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More