پہلی بار زندگی میں واک آؤٹ کیا، فیاض الحسن چوہان

بول نیوز  |  Jun 18, 2021

وزیر جیل خانہ جات پنجاب فیاض الحسن چوہان نے کہا ہے  کہ پہلی بار زندگی میں واک آؤٹ کیا۔

تفصیلات کے مطابق وزیر جیل خانہ جات پنجاب فیاض الحسن چوہان نے پنجاب اسمبلی میں میڈیا سے گفتگو کرتے ہوئے کہا کہ میں اسمبلی کا واک آؤٹ کرکے باہر آ گیا ہوں۔ اپنی سیاسی زندگی میں پہلی مرتبہ اسمبلی اجلاس سے واک آؤٹ کیا ہے۔

فیاض الحسن چوہان نے واک آؤٹ کی وجہ بتاتے ہوئے کہا کہ پیپلز پارٹی کے حسن مرتضیٰ نے پی ٹی آئی پر غلط تنقید کی، مطالبہ کرتا ہوں کہ یہ اس پر معافی مانگیں۔

وزیر جیل خانہ جات پنجاب نے کہا کہ افسوس ہے کہ ڈپٹی اسپیکر نے میرے نکتے پر بھی توجہ نہیں دی۔ ن لیگی رہنما شیخ روحیل اصغر صاحب کا بیان بھی قابل مذمت ہے، گالی دینا پنجاب کے کلچر کا نام نہیں ہے۔

فیاض الحسن چوہان نے یہ بھی کہا کہ وزیراعظم عمران خان کے معاون خصوصی علی نواز اعوان نے اعلیٰ ظرفی کا مظاہرہ کیا اور اسی رات معافی مانگی۔

وزیر جیل خانہ جات پنجاب فیاض الحسن چوہان نے مزید کہا کہ شیخ روحیل اصغر آج تک اپنے اقدام پر ڈھٹائی کا مظاہرہ کررہے ہیں، دراصل بیگم صفدر اور ن لیگ کی سرپرستی میں عوام کی توہین کی گئی۔

--> Double Click 300 x 250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More