فرانسیسی صدر سے معصوم طالبعلم کاسوال،آپ! تھپڑ کھانے کے بعد ٹھیک ہیں؟

ہم نیوز  |  Jun 18, 2021

پیرس: فرانس کے ایک بچے نے صدر سے معصومانہ سوال کیا تو وہ میڈیا کی شہ سرخیوں کی زینت بن گیا حالانکہ اسکول کے ننھے طالبعلم نے فرانس کے صدر کی صرف مزاج پرسی کی تھی۔

فرانس سے تعلق رکھنے والے بچے نے نہایت معصومانہ لہجے میں پوچھا تھا کہ جناب صدر! ایک شہری سے تھپڑ کھانے کے بعد اب آپ کے مزاج کیسے ہیں؟

“Ça va la claque?”: un écolier interroge Emmanuel Macron sur l’épisode de la gifle pic.twitter.com/OvVZjovxTY

— BFMTV (@BFMTV) June 17, 2021

فرانس کے صدر عمانویل میکروں سے صوبہ لاسوم کے دورے کے دوران ایک چھوٹے بچے نے حیران کن سول پوچھ کر انہیں شرمندہ کردیا جس کی وجہ سے وہ سوال میڈیا کی شہ سرخیوں کی زینت بن گیا ہے۔

فرانسیسی صدر کو تھپڑ مارنے والے شخص کی تفصیلات سامنے آ گئیں

فرانسیسی اخبر لی گیگارو کے مطابق صدر میکروں جب ایک قصبے میں واقع اسکول کا دورہ کررہے تھے تو ایک طالبعلم نے ٹیلی ویژن کیمرے کے سامنے بات کرنے کی اجازت طلب کی اور پھر نہایت معصومانہ انداز میں پوچھا کہ آپ! تھپڑ کھانے کے بعد ٹھیک ہیں۔

فرانس کے جنوب مشرق میں تائین ہرمیٹیج میونسپلٹی کے دورے کے دوران ایک شخص نے صدر میکروں کو تھپڑ مار دیا تھا۔

اخبار کے مطابق صدر میکروں نے مسکراتے ہوئے جواب دیا کہ اوہ! ٹھیک ہوں لیکن وہ تفریح نہیں تھی اور اچھی بات بھی نہیں تھی۔

فرانسیسی اخبار کے مطابق اس کے بعد صدر میکروں نے اس بچے کو مخاطب کرتے ہوئے کہا کہ کسی کو اس طرح تھپڑ مارنا کبھی اچھا نہیں ہوتا۔ ان کا کہنا تھا کہ یہاں تک کہ اسکول کے صحن میں بھی یہ اچھا عمل نہیں ہے۔

فرانسیسی صدر کو تھپڑ مارنے والے شخص کو جیل ہوگئی

فرانس کے صدر نے معصوم طالبعلم سے کہا کہ جس نے مجھے تھپڑ مارا وہ بالکل بھی ٹھیک نہیں تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More