اداکارہ منزہ عارف نے ڈرامہ انڈسٹری میں کیسے قدم رکھا؟

بول نیوز  |  Jul 31, 2021

پاکستان کے کئی ڈراموں میں مرکزی کرداروں کا بخوبی ساتھ نبھانے والی اداکارہ منزہ عارف نے حال ہی میں اپنے اتفاقیہ طور پر انڈسٹری میں آنے کا احوال مداحوں کو بتایا۔

اداکارہ نے نجی ٹی وی کے ایک پروگرام میں اپنے بیٹے کے ہمراہ شرکت کی جہاں انہوں نے کیرئیر سمیت ذاتی زندگی سے متعلق گفتگو کی۔

اداکارہ نے بتایا کہ انہیں انڈسٹری میں 14 سال کا عرصہ مکمل ہوچکا ہے، 2007 میں انہوں نے پہلا ڈرامہ کیا تھا اور تب سے لے کر اب تک وہ ڈراموں میں اداکاری کررہی ہیں۔

منزہ عارف کا کہنا تھا کہ میں اتفاق سے انڈسٹری میں آگئی، میرے دونوں بیٹے آڈیشن کے لئے گئے تھے، چھوٹے والے بیٹے نے کچھ ڈرامے بھی کیے ہیں، اسی ایک ڈرامے میں پرنسپل کا کردار ادا کرنا تھا جس کے لئے مجھے کہا گیا۔

انہوں نے بتایا کہ میں ایک ٹیچر تھی، شادی کے بعد بھی میں نے اسے جاری رکھا لیکن جب اداکاری کی فیلڈ میں آئی تو خود کو اسکرین پر دیکھ کر اچھا لگتا تھا۔

اداکارہ نے کہا کہ جب تک میں اسکول سے وابستہ رہی تب کبھی کبھار کسی ڈرامے میں اداکاری کرلیا کرتی تھی لیکن پھر شوہر نے کافی حوصلہ افزائی کی اور کہا کہ اس فیلڈ کو وقت دے کر دیکھو۔

Adsense 300×250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More