وزیر اعظم پارلیمانی سرگرمیوں کے لئے متحرک

بول نیوز  |  Oct 14, 2021

وزیر اعظم عمران خان آج پارلیمنٹ ہاؤس جائیں گے۔

تفصیلات کے مطابق وزیر اعظم عمران خان نے مشاورت کے لئے بعض پارٹی رہنماؤں کو پارلیمنٹ ہاوس بلالیا، وزیر اعظم لاہور میں پرویز ملک کے خالی ہونے والے حلقے میں امیدوار سامنے لانے کے لئے مشاورت کریں گے۔

ذرائع کا کہنا ہے کہ وزیر اعظم عمران خان نے سینیٹر اعجاز چوہدری، عامر کیانی اور سیف اللہ نیاری سے تجاویز بھی مانگ لی ہیں، وزیر اعظم عمران خان پارلیمنٹ ہاؤس میں اپنے چیمبر میں اہم ملاقاتیں کریں گے۔

ذرائع کے مطابق وزیر اعظم سے مختلف حلقوں کے ارکان قومی اسمبلی ملاقاتیں بھی کریں گے، وزیر اعظم عمران خان اپنے چیمبر میں ارکان پارلیمنٹ کے مسائل بھی سنیں گے۔

ذرائع کا مزید کہنا ہے کہ ارکان پارلیمنٹ سے ملاقاتوں میں وزیر اعظم عشرہ رحمت اللعالمین منانے کی بھی ہدایت دیں گے۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More