ایمازون کا رواں برس کے آخر تک پلاسٹک کا استعمال کم کرنے کا اعلان

بول نیوز  |  Nov 25, 2021

آن لائن سامان فروخت کرنے والے امریکی ادارے ایمازون نے رواں برس کے آخر تک جرمنی میں سامان کی پیکنگ میں پلاسٹک کے استعمال کو کم کرنے کا اعلان کردیا۔

خبررساں ادارے اے پی کے مطابق ایمازون کا کہنا ہے کہ پلاسٹک کی جگہ کاغذ کے تھیلے یا بیگز کو استعمال میں لایا جائے گا جب کہ بڑے سامان کو گتے کے ڈبوں میں مناسب انداز میں پیک کر کے روانہ کیا جائے گا۔

یہ بات اہم ہے کہ امریکی ادارہ ایمازون پلاسٹک کے استعمال میں کمی ضرور لائے گا لیکن مکمل استعمال کو ترک نہیں کرے گا۔

اس حوالےسےبتایا گیا کہ ببل ریپ پلاسٹک کا استعمال اس لیے کیا جائے گا تا کہ شیشے یا ٹوٹ جانے والے سامان کو پیکنگ میں مکمل تحفظ فراہم کیا جا سکے۔

ایمازون اس وقت جرمنی میں آن لائن سامان فروخت کےکاروبار پر چھائی ہوئی ہے اوراس پر ماحول دوست تنظیمیں مسلسل تنقید جاری رکھے ہوئے ہیں۔

ان کا کہنا ہے جرمنی میں پلاسٹک کوڑے میں ایمازون کا کردار اہم ہے اور پلاسٹک کا بے دریغ استعمال کر کے یہ ماحولیاتی آلودگی کا باعث بن رہا ہے۔

گزشتہ برس دسمبر میں ایک ماحول دوست گروپ اوشنا نےاپنی رپورٹ میں واضح کیا تھا کہ ایمازون کی پیکنگ میں استعمال ہونے والا قریب 11 ہزار ٹن پلاسٹک ادریاؤں اور سمندروں میں جا کر گرتا ہے۔

اوشنا گروپ کی اس رپورٹ کو ایمزون نے اعداد کی غلط جمع تفریق قرار دے کر مسترد کر دیا تھا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More