پاکستان اور عمان کے درمیان فیری سروس جلد شروع ہونے کا امکان

سماء نیوز  |  Nov 25, 2021

پاکستان اور عمان کے مابین سیاحت کے فروغ کے لیے فیری سروس شروع کرنے کے حوالے  سے بات چیت جاری ہے۔

پاکستان کی وزارت داخلہ کے مطابق پاکستان میں عمان کے سفیر عمر احمد ال مرحون نے گزشتہ روز پاکستان کے وزیر داخلہ شیخ رشید احمد سے ملاقات کی اور دونوں ممالک کے درمیان فیری سروس کے آغاز کے حوالے سے تبادلہ خیال کیا۔

عمان کے سفیر عمر احمد ال مرحون کا اس موقع پر کہنا تھا کہ اس فیری سرس کے ذریعے دونوں ممالک کے مابین تجارت اور سیاحت دونوں کو فروغ ملے گا۔

واضح رہے کہ پاکستان خاصے عرصے سے کراچی اور گوادر کی بندرگاہوں کو مشرق وسطیٰ سے منسلک کرنے کے لیے ایک فیری سروس شروع کرنے پر غور کر رہا ہے۔ پاکستان کی خواہش ہے کہ ایسی سروس کے ذریعے دبئی، عمان اور ایران کی بندرگاہوں تک رسائی حاصل ہوجائے تاکہ ان ممالک کا دورہ کرنے والے افراد کو متبادل روٹس بھی مہیا ہوسکیں۔

پاکستان کی وزارت داخلہ کا کہنا ہے کہ اس منصوبے کو عملی جامہ پہنانے کی خاطر پرائیوٹ سیکٹر کی حوصلہ افزائی کی جائے گی۔ وزارت داخلہ نے امید ظاہر کی کہ پاکستان اور عمان کے درمیان فیری سروس جلد شروع ہوجائے گی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More