2021 کا مقبول ترین اسمارٹ فون کون سا ہے ؟

بول نیوز  |  Nov 27, 2021

دنیا بھرمیں اینڈروئیڈ موبائل فون کا استعمال بہت زیادہ ہے اور اس میں الگ الگ کمپنیوں کے منفرد ڈیزائن مختلف فیچرز کے ساتھ لوگوں کو اپنی طرف متوجہ کرتے ہیں لیکن اس کے باوجود آئی فون کی مقبولیت میں دن بدن اضافہ ہوتا جارہا ہے۔

سب سے بڑی اسمارٹ فون کمپنی کی بات کریں تو یہ اعزاز سام سنگ اور شیاؤمی کو حاصل ہے جو اینڈروییڈ موبائل فون کے علاوہ دیگر الیکٹرانک ڈیوائسزبھی بناتے ہیں جو سب سے زیادہ فروخت ہوتی ہیں لیکن حیران کن طور پر رواں سال سب سے زیادہ فروخت ہونے والا موبائل فون اینڈروییڈ نہیں ہے۔

دنیا بھرمیں اسمارٹ فون بیچنے والی مارکیٹ کے اعدادو شمار بتانے والی ویب سائٹ ’’آئی ڈی سی‘‘ نے رواں سال کی رپورٹ جاری کی ہے جس میں جنوری سے ستمبر یعنی 9 ماہ کا ڈیٹا شامل کیا گیا ہے۔

رپورٹ کے مطابق 2021 کے ابتدائی 9 ماہ میں سب سے زیادہ فروخت ہونے والا موبائل فون ’آئی فون 12‘ ہے جب کہ مجموعی طور پر اس دوران سب سے زیادہ فروخت ہونے والے 5 موبائل فون کی فہرست میں آئی فون کے 4 ماڈل شامل ہیں جب کہ اس فہرست میں واحد فون سام سنگ کا گلیکسی ماڈل ہے۔

سب سے زیادہ اسمارٹ فون فروخت ہونے والی فہرست میں ’آئی فون 12‘ پہلے ’گلیکسی اے 12‘ دوسرے ، ’آئی فون 11‘ تیسرے ، ’آئی فون 12 پرومکس‘ چوتھے  اور ’آئی فون 12 پرو ‘ پانچویں نمبر پر ہے۔

رپورٹ میں بتایا گیا کہ ’آئی فون 13‘ رواں سال کے تیسری سہ ماہی میں ہی فروخت ہونا شروع ہوا اور ابھی تک اس کی فروخت اتنی نہیں ہوئی جس کے باعث اسے اس فہرست میں شامل نہیں کیا گیا تاہم لوگوں کی جانب سے آئی فون 13 کی ڈیمانڈ سے ایسا دکھائی دے رہا ہے کہ اس فہرست میں اگلی بار یہی فون آئے گا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More