اومیکرون، جنوبی افریقا کا مختلف ممالک کی جانب سے پابندیاں عائد کرنے پر شکوہ

بول نیوز  |  Nov 28, 2021

جنوبی افریقا نے شکوہ کیا ہے کہ اسے کورونا وائرس کی نئی قسم، اومیکرون کے بارے میں دنیا کو آگاہ کرنے کی سزا دی جا رہی ہے۔

جنوبی افریقا کی وزرات خارجہ نے ایک بیان میں کہا ہے کہ کورونا کی نئی قسم کے سامنے آنے کے بعد دنیا کے کئی ممالک کی جانب سے جنوبی افریقا سے آنے والی پروازوں پر پابندی کا فیصلہ سزا دینے کے مترادف ہے۔

بیان میں کہا گیا ہے کہ جنوبی افریقا کو کورونا کی نئی قسم کا فوری پتا لگانے کی سزا دی جا رہی ہے۔ شاندار سائنس کو سراہنا چاہیے، نہ کہ سزا دینی چاہیے۔

جنوبی افریقا کی وزرات خارجہ کا کہنا ہے کہ کورونا کی نئی قسم دنیا کے دیگر ملکوں میں بھی دریافت ہوئی تھی لیکن ان ممالک کے ساتھ رویہ جنوبی افریقا سے واضح طور پر مختلف ہے۔

جنوبی افریقا کے بعد اسرائیل اور بیلجیئم نے بھی اعلان کیا تھا کہ ان کے ملکوں میں بھی اومیکرون کے کیسز کی تصدیق ہوئی ہے۔

جنوبی افریقا نے کہا ہے کہ اس کی کورونا ٹیسٹ کرنے اور ویکسینیشن پروگرام کو بڑھانے کی صلاحیت اور دنیا کی بہترین سائنسی کمیونٹی کی حمایت حاصل ہونے کی وجہ سے دنیا کو اطمینان رکھنا چاہیے کہ ہم بھی وبا سے نمٹنے کے لیے بہتر طریقے سے اقدامات کر رہے ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More