عمرہ زائرین کے لیے زیادہ سے زیادہ عمر کی حد کی پابندی ختم

بول نیوز  |  Nov 28, 2021

سعودی عرب نے عمرہ زائرین کے لیے زیادہ سے زیادہ عمر کی حد کی پابندی ختم کردی ہے۔

سعودی میڈیا کے مطابق کورونا وبا کے پیش نظر سعودی وزارت حج و عمرہ نے بیرون ملک سے آنے والے زائرین کے لیےعمر کی حد 18 سے 50 برس تک رکھی تھی لیکن اب زائرین کے لیے زیادہ سے زیادہ عمر کی حد کی پابندی ختم کردی گئی ہے۔

سعودی وزارت حج و عمرہ کا کہنا ہے کہ زیادہ سے زیادہ عمر کی حد کی پابندی ختم کیے جانے کے بعد اب دنیا بھر سے معمر افراد بھی عمرہ کے لیے آسکتے ہیں۔

واضح رہے کہ کورونا وبا کے پیش نظر سعودی حکومت نے حج اور عمرہ زائرین کے لیے مختلف پابندیاں عائد کی تھیں۔ دنیا بھر میں صورت حال بہتر ہونے کے بعد سعودی حکومت کی جانب سے پابندیوں کو بتدریج ہٹایا جارہا ہے۔

چند روز قبل سعودی حکام نے مسجد نبوی میں فرض نماز کی ادائیگی کے لیے پیشگی اجازت ختم کردی تھی۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More