فرانس میں غیر ویکسین شدہ افراد پر ریسٹورانٹ، سیاحتی مقامات پر جانے کی پابندی

بول نیوز  |  Jan 24, 2022

فرانس میں غیر ویکسین شدہ افراد کو ریسٹورانٹ، سیاحتی مقامات اور کھیلوں کی جگہ پر جانے کی پابندی عائد کردی گئی۔ البتہ ان لوگوں کو استثنیٰ حاصل ہوگا جو حال ہی میں کورونا سے صحت یاب ہوئے ہوں گے۔

فرانس کی جانب سے اس نئے قانون کا اطلاق پیر سے ہوا جس کے تحت ویکسین پاس کا ہونا لازمی ہوگا جو اس حکومت کی انسداد وائرس لائحہ عمل کا مرکزی قدم ہے۔

فرانس میں یورپ بھر کے اعتبار سے روزانہ رپورٹ ہونے والے کیسز کی تعداد سب سے زیادہ ہے اور اسپتالوں کا وائرس کے مریضوں سے بھرنا جاری ہے۔ البتہ حالیہ دنوں میں آئی سی یو میں موجود لوگوں کی تعداد میں کمی آئی ہے۔

فرانسیسی حکومت کی جانب سے اومیکرون کیسز کی تعداد میں اضافے کے دوران مزید پابندیوں کا اطلاق کیا گیا تھا۔

ابتدائی مطالعوں کے مطابق اومیکرون گزشتہ ویریئنٹ ڈیلٹا کی نسبت کم شدت کی بیماری کا سبب بنتا ہے۔

لیکن اومیکرون ویریئنٹ کورونا وائرس کے دیگر ویریئنٹ کی نسبت زیادہ تیزی کے ساتھ پھیلتا ہے اور نومبر کے وسط میں منظر پر آنے کے بعد سے کئی ممالک کو تیزی سے اپنی لپیٹ میں لیا ہے۔

وہ لوگ جو مکمل طور پر ویکسین شدہ ہیں یا انہیں اس سے قبل آنے ویریئنٹ نے اپنی زد میں لیا تھا، ان کو بھی اومیکرون ویریئنٹ اپنی زد میں آسانی سے لے لیتا ہے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More