پاکستان انڈر 19 ورلڈکپ کی دوڑ سے باہر  آسٹریلیا کے ہاتھوں کوارٹر فائنل میں شکست

بول نیوز  |  Jan 29, 2022

آسٹریلیا نے انڈر 19 ورلڈکپ کے کوارٹر فائنل میں پاکستان  کو 119 رنز سے شکست دے دی ہے۔

تفصیلات کے مطابق انڈر 19 ورلڈکپ کے تیسرے کوارٹر فائنل میچ میں پاکستان نے آسٹریلا کے خلاف ٹاس جیت کر پہلے بولنگ کا فیصلہ کیا۔

ICC U19 World Cup 2022Super League Quarter-Final 3 – Pakistan U19 vs Australia U19

Toss: Pakistan win the toss and decide to field#PAKvAUS | #U19CWC | #PakistanFutureStars pic.twitter.com/A4r2FssMzf

— Pakistan Cricket Live (@TheRealPCB_Live) January 28, 2022

آسٹریلیا نے مقررہ 50 اوورز میں  7 وکٹوں کے نقصان پر 276 رنز بنائے اور پاکستان کو جیت کے لئے 277 رنز کا ہدف دیا۔

آسٹریلیا کی جانب سے تیگیو ویلی 71 رنز بنا کر نمایاں بیٹسمین  رہے،کیمپبیل کیلاوے 47،کورے ملر 64،ولیم سالزمان 25 جبکہ  کپتان کوپر کونولے نے 33 رنز بنائے۔

پاکستان کی جانب سے قاسم اکرم نے 3 شکار کیے،اویس علی نے 2 وکٹیں حاصل کیں جبکہ  ذیشان زمیر اور مہران ممتاز نے 1،1 وکٹ حاصل کی۔

ہدف کے تعاقب میں پاکستان ٹیم   157 رنز پر ڈھیر ہو گئی۔

پاکستان کی جانب سے  مہران ممتاز 29 رنز  بنا کر نمایں بلے باز رہے،عبدالفصیح 28،احمد خان 19 جبکہ کپتان قاسم اکرم  صرف 9 رنز بنا سکے۔

پاکستان کے 4 بلے باز ڈبل فگر میں بھی داخل نہ ہو سکے۔

آسٹریلیا کی جانب سے ولیم سالزمان  نے 3 ٹوم وٹنے اور جیک سنفیلڈ نے 2،2 وکٹیں حاصل کیں جبکہ جیک نسبٹ اور ایڈن کاہل نے 1،1 وکٹ اپنے نام کی۔

آسٹریلوی ٹیم گروپ اسٹیج میں تین میں سے دو میچز میں فتحیاب ہوئی تھی جبکہ ایک میں اسے شکست کا سامنا کرنا پڑا تھا۔

آسٹریلیا نے  سیمی فائنل کے لیے کوالیفائی کر لیا ہے جہاں اس کا مقابلہ دوسرے سپر لیگ کوارٹر فائنل کی فاتح ٹیم سے ہوگا۔

دوسرے سپر لیگ کوارٹر فائنل میں بنگلہ دیش اور بھارت کی ٹیمیں پاکستانی وقت کے مطابق کل شام چھ بجے مدمقابل آئیں گی۔

واضح رہے کہ گزشتہ روز افغانستان نے سری لنکا کو سنسنی خیز مقابلے کے بعد 4 رنز سے شکست دے کر سیمی فائنل کے لیے کوالیفائی کرلیا ہے جہاں اس کا مقابلہ انگلینڈ سے ہوگا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More