کھلاڑی کو گیند مارنے پر بنگلہ دیشی بولر کو جرمانہ

اردو نیوز  |  May 27, 2022

بنگلہ دیش کے سپنر تیج السلام کو دوسرے ٹیسٹ میچ سری لنکا کے کھلاڑی اینجیلو میتھیوز کو گیند مارنے پر جرمانہ ہوا ہے۔

فرانسیسی نیوز ایجنسی اے ایف پی کے مطابق تیج السلام نے اس ضابطہ اخلاق کی خلاف ورزی کی ہے جس کے تحت کسی کھلاڑی پر یا اس کے نزدیک غیرمناسب طریقے سے گیند نہیں پھینکی جا سکتی۔

یہ واقعہ بدھ کو سری لنکا کی اننگز کے 69 ویں اوور میں پیش آیا جب تیج السلام نے میتھیوز کو گیند ماری۔ میتھیوز اپنی کریز میں تھے اور ان کا رن لینے کا کوئی ارادہ نہیں تھا۔

تیج السلام نے اپنی غلطی کو تسلیم کیا اور میچ ریفری کرس بورڈ کی جانب سے تجویز کردہ سزا کو قبول کیا، لہٰذا اس کے لیے باقاعدہ سماعت کی ضرورت نہیں پڑی۔

تیج السلام کو ڈی میرٹ پوائنٹ کا بھی سامنا کرنا پڑا۔

اینجیلو میتھیوز نے میچ کے تیسرے روز 58 رنز بنائے اور ناٹ آؤٹ رہے۔

سری لنکا نے اپنی پہلی اننگز میں بنگلہ دیش کے 365 رنز کے مقابلے میں پانچ وکٹوں کے نقصان پر 282 رنز بنائے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More