مقامی وسائل سے بجلی بنانے کی پالیسی تشکیل دینے کیلئے اجازت طلب

ہم نیوز  |  Jul 04, 2022

اسلام آباد: بجلی بنانے کیلئے مقامی وسائل استعمال کرنے سے متعلق پالیسی بنانے کی اجازت طلب کر لی گئی ہے۔ اجازت وفاقی وزارت توانائی نے مانگی ہے۔

ہم نیوز کے مطابق وفاقی وزارت توانائی نے وزیراعظم میاں شہباز شریف کی زیر صدارت منعقدہ وفاقی کابینہ کے اجلاس میں تجویز پیش کی کہ بجلی بنانے کیلئے امپورٹڈ ایندھن کے بجائے مقامی وسائل کو استعمال کیا جائے۔

وزیراعظم میاں شہباز شریف کی زیر صدارت منعقدہ وفاقی کابینہ کے اجلاس میں پیش کیا گیا تمام ایجنڈہ بھی منظور کر لیا گیا۔

اجلاس میں وفاقی کابینہ کو لوڈ مینجمنٹ پلان پر بریفنگ دی گئی، ایس ای سی پی کےآڈٹ کیلئے آڈیٹرز کی تقرری کی منظوری دی گئی، اقتصادی رابطہ کمیٹی کے 13 جون کے فیصلوں کی توثیق کی گئی۔

وفاقی کابینہ کے اجلاس میں کابینہ کی لیجسلیٹو کمیٹی کے 29 جون کے فیصلوں کی توثیق کی گئی اور کابینہ کمیٹی برائے نجکاری کے فیصلوں کی بھی توثیق کردی گئی۔

اجلاس میں لالہ موسی اور دیگر شہروں میں گیس کی بچھائی گئی لائنوں کو چلانے کا مطالبہ کیا گیا اور توانائی کے تاخیری منصوبوں کی بابت آگاہی فراہم کی گئی۔

پاکستان مسلم لیگ (ن) کے مرکزی صدر میاں شہباز شریف کی زیر صدارت منعقدہ وفاقی کابینہ کے اجلاس کو دوران بریفنگ حکام کی جانب سے بتایا گیا کہ پاکستان کے امپورٹ بل کا 60 فیصد خرچ باہر سے بجلی بنانے کے لیے تیل منگوانے پر ہوتا ہے۔

عید الاضحیٰ پر لوڈ شیڈنگ نہیں ہو گی، نہیں کہہ سکتے، وفاقی وزیر توانائی

شرکائے اجلاس کو زیر تکمیل تاخیری منصوبوں پر بریفنگ دیتے ہوئے حکام نے آگاہ کیا کہ پنجاب تھرمل منصوبہ 26 ماہ کی تاخیر کا شکار رہا، تھر انرجی 17، تھل نووا بیس شنگھائی الیکٹرک پاور میں60 ماہ کا تعطل آیا اور کروٹ 10 ماہ کے تعطل کا شکار ہوا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More