شہباز گل پر تشدد کے الزامات سے متعلق پولیس انکوائری شروع

ہم نیوز  |  Aug 20, 2022

 پی ٹی آئی رہنما ڈاکٹر شہباز گل پر حراست کے دوران  تشدد  کےالزامات سے متعلق پولیس انکوائری شروع کر دی گئی۔

ڈی آئی جی ہیڈ کوارٹر اسلام آباد کی زیر صدارت اہم اجلاس میں شہباز گل پر تشدد کے الزامات پر غور کیا گیا۔اجلاس میں تفتیشی ٹیم سمیت اعلیٰ حکام  اور پولیس حکام نے شرکت کی۔

یہ بھی پڑھیں:

ذرائع کے مطابق پولیس نے تشدد کے الزامات پر تمام بیانات قلمبند کرنا شروع کر دیئے۔ پمز اسپتال میں شہباز گل کا علاج کرنے والے ڈاکٹرز کے بیان بھی لے لیئے گئے۔

اجلاس میں تفتیشی ٹیم کی جانب سے حکام کو عدالتی کارروائی پر بھی بریفنگ دی گئی۔شہباز گل کی خوراک سے متعلق بھی مکمل نگرانی کی جائے گی۔

فواد چوہدری، شیریں مزاری اور علی نواز اعوان پولیس لائن ہیڈکوارٹرز میں  شہباز گل پر تشدد کے شواہد پیش کریں گے۔

یہ بھی پڑھیں:

تشدد سے متعلق انکوائری کی نگرانی آئی جی اسلام آباد خود کر رہے ہیں ۔اسلام آباد ہائیکورٹ نے آئی جی کو تشدد سے متعلق انکوائری کرکے رپورٹ جمع کروانے کا حکم دے رکھا ہے۔

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More