تین چمپینزیوں کا اغوا، لاکھوں تاوان طلب

ہم نیوز  |  Sep 26, 2022

اغوا کاروں سے اب جانور بھی محفوظ نہیں رہے، کانگو میں انوکھے واقع میں تین چیمپینزیوں کو اغوا کر کے انتظامیہ سے لاکھوں کا تاوان طلب کیا جا رہا ہے۔

خطرے سے دوچار نسل کے تین چیمپینزیوں کو ایک پناہ گاہ سے اغوا کیا گیا، جس کے بعد ثبوت کے طور پر ان کی ویڈیو بھی انتظامیہ کو بھجوائی گئی ہے، جس میں تینوں اینٹوں سے بنے کمرے میں خوف زدہ بیٹھے ہوئے ہیں، اغوا کاروں کی جانب سے دھمکی دی گئی ہے کہ اگر جلد ان کے مطالبات نہ مانے گئے تو اگلی بار ان چیمپینزیز کے سر بھیجے جائیں گے۔

جیک پرائمیٹ ری ہیبلیٹیشن سینٹر کے بانی کو15 دن قبل کمسن چیمپینزی چھینے جانے کے بعد سے اس طرح کے متعدد پیغامات موصول ہوئے ہیں جن میں ان کی بیوی اور بچوں کو اغوا کرنے کی دھمکیاں شامل ہیں۔

یہ بھی پڑھیں: 

تاہم سینٹر کے بانی تاوان ادا کرنے کا ارادہ نہیں رکھتے، ان کا کہنا ہے کہ اس طرح دنیا کے تمام بندروں کو زیادہ خطرہ لاحق ہو جائے گا جو اس وقت ہے۔

بلیک مارکیٹ میں موجود خریدار چیمپینزی بچوں کے لیے تقریباً 10 ہزار پاؤنڈ ادا کرتے ہیں۔

ایک اندازے کے مطابق چھ دہائی قبل مغربی اور وسطی افریقہ کے جنگلوں میں 10 لاکھ چیمپینزی گھوما کرتے تھے، لیکن محض 40 سال کے عرصے میں ان کی تعداد کم ہو کر ایک لاکھ 72 ہزار اور تین لاکھ کے درمیان رہ گئی، جن میں سے  40 فیصد ڈیموکریٹک رپبلک آف کانگو میں رہتے ہیں۔

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More