صدر مملکت کی عمران خان سے آرمی چیف کی تعیناتی پر مشاورت

ہم نیوز  |  Nov 24, 2022

لاہور: پاکستان تحریک انصاف کے ہیڈ آف میڈیا افیئرز فواد چودھری نے کہا ہے کہ صدر مملکت ڈاکٹر عارف علوی نے چیئرمین پاکستان تحریک انصاف عمران خان سے نئے آرمی چیف کی تعیناتی کے آئینی، قانونی اور سیاسی امور پر تبادلہ خیال کیا ہے۔

سابق وفاقی وزیر فواد چودھری نے ذرائع ابلاغ سے بات چیت میں کہا کہ صدر مملکت ڈاکٹر عارف علوی اور سابق وزیراعظم عمران خان کے درمیان ہونے والی 45 منٹ کی ملاقات میں آرمی چیف کی تعیناتی کے تمام امور پر مشاورت کی گئی۔

انہوں نے کہا کہ آرمی چیف کی تعیناتی کے تمام امور آئین و قانون کے مطابق ہوں گے، ایوان صدر اعلامیہ جاری کرے گا، اعلامیے میں آفیشل اسٹیٹمنٹ اور مؤقف دے دیا جائے گا۔

واضح رہے کہ سابق وزیراعظم عمران خان نے بھی ایک دن قبل کہا تھا کہ آرمی چیف کی تعیناتی کے معاملات پر صدر سے رابطے میں ہوں، پارٹی چیئرمین ہوں، وہ مجھ سے مشاورت کریں گے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More