غلط معلومات کو لیک کرنا سفارتی آداب کے منافی ہے،ترجمان دفترخارجہ

بول نیوز  |  Sep 21, 2020

ترجمان دفترخارجہ نے کہا ہے کہ غلط معلومات کو لیک کرنا اور حقائق کو توڑ مروڑ کر پیش کرنا سفارتی آداب کے منافی ہے۔

تفصیلات کے مطابق ترجمان دفترخارجہ نے اپنے ایک بیان میں کہا کہ بھارتی سفارت کار جیانت خوبراگید کو بطور بھارتی ناظم الامور اسائنمنٹ ویزا دینے حوالے سے خبریں بے بنیاد اور سفارتی اقدار کے منافی ہیں۔

ترجمان دفتر خارجہ نے کہا کہ بھارتی میڈیا میں یہ خبریں بھارتی وزارت خارجہ کے ذرائع کے حوالے سے چلائی گئی ہیں اور اس طرح کی غلط معلومات اور حقائق کو توڑ مروڑ کر یش کرنا کسی بھی طرح سفارتی تعلقات میں مددگار ثابت نہیں ہوگی

ترجمان دفتر خارجہ نے مزید کہا کہ5 اگست 2019 کے مقبوضہ کشمیر میں یک طرفہ اور غیر قانونی اقدامات کے نتیجہ میں پاکستان نے بہت سے اقدامات کیے  اور ان اقدامات میں بھارت کے ساتھ  سفارتی تعلقات کو کم ترین سطح پر لانا بھی شامل تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More