چائینہ سدرن ایئرلائن کی ووہان سے اسلام آباد کی براہ راست پروازیں

اردو نیوز  |  Dec 01, 2020

چین کی چائینہ سدرن ایئرلائن نے ووہان اور پاکستان کے دارالحکومت اسلام آباد کے درمیان براہ راست پروازوں کا آغاز کر دیا ہے۔

خبر رساں ادارے اے پی پی  کے مطابق چائینہ سدرن ایئرلائن کی پہلی پرواز 143 مسافروں کے ساتھ پیر کو روانہ ہوئی۔

پرواز میں آلات اور طبی اشیا سمیت 12 ٹن سامان بھی اسلام آباد لایا گیا۔

ووہان اور اسلام آباد کے درمیان براہ راست پرواز ہر پیر کو بیجنگ کے وقت کے مطابق صبح 8:35 پر ووہان سے روانہ ہوگی اور پاکستان کے وقت کے مطابق صبح 11:45 اسلام آباد پہنچے گی۔

اسی طرح واپسی کی پرواز اسلام آباد سے مقامی وقت کے مطابق دوپہر ایک بجے روانہ ہوگی اور بیجنگ کے وقت کے مطابق رات 9:15 ووہان پہنچے گی۔

کووڈ-19 کے حفاظتی اقدامات کے تحت پاکستان سے چین جانے والے مسافروں کو کہا گیا ہے کہ وہ کورونا کا ٹیسٹ کروا کے اس کے منفی ہونے کی رپورٹ پیش کریں۔

چین پہنچنے پر مسافروں کو 14 دن قرنطینہ میں بھی رہنا ہوگا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More