بلوچستان میں آج سے انسداد پولیو مہم کا آغاز

بول نیوز  |  Sep 20, 2021

بلوچستان میں آج سے خصوصی انسداد پولیو مہم کا آغاز ہورہاہے۔

تفصیلات کے مطابق  بلوچستان کے تمام 34اضلاع میں آج سے پولیو مہم کا آغاز ہورہا ہےجس میں   25 لاکھ بچوں کو پولیو سے بچاﺅ کے قطرے پلانے کا ہدف مقرر کیا گیا ہے۔

ذرائع کا کہنا ہے کہ مہم میں 11383ٹیمیں حصہ لے رہی ہیں جبکہ اس مہم میں 9470 موبائل ٹیمیں، 949فکسڈسائٹس اور592ٹرانزٹ پوائنٹس شامل ہیں۔

اسکے علاوہ   لیویز ، پولیس ، بلوچستان کانسٹیبلری سمیت 19ہزار 2سو اہلکار ٹیموں کی سیکورٹی پر مامور کیے گئے ہیں،  پاک افغان اور پاک ایران دونوں سرحدوں پر فکسڈ ٹرانزٹ پوائنٹس قائم ہیں۔

محکمہ صحت حکام کا کہنا ہے کہ  انسداد پولیو مہم کے دوران بچوں کو وٹامن اے کے قطرے بھی پلائے جائیں گے۔

 محکمہ صحت حکام کا مزید کہنا تھا ک اس سال بلوچستان سے پولیو کا ایک کیس رپورٹ ہوا ہے لیکن پشین اور بالخصوص ضلع قلعہ عبداللہ میں بچوں کے لیے پولیو وائرس سے متاثر ہونے کا خدشہ موجود ہے۔

واضح رہے کہ  پولیو مہم کی کامیابی کے حوالے سے قبائلی عمائدین اور علمائے کرام کی بھی خدمات لی گئی ہیں۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More