حاملہ خواتین بھی کرونا ویکسین لگواسکتی ہیں، ڈاکٹر فیصل سلطان

سماء نیوز  |  Sep 20, 2021

ڈاکٹر فیصل سلطان کا کہنا ہے کہ حاملہ خواتین بھی کرونا ویکسین لگواسکتی ہیں، کوشش ہے ویکسینیشن کا عمل جلد مکمل کرلیا جائے۔

اسلام آباد میں میڈیا سے گفتگو کرتے ہوئے وزیراعظم کے معاون خصوصی برائے صحت ڈاکٹر فیصل سلطان نے کہا کہ وفاقی دارالحکومت کو 100 فیصد ویکسی نیٹڈ شہر بنانا چاہتے ہیں، ویکسین بیماری سے بچاتی ہے، حکومت نے ویکسین خریدی ہے۔

انہوں نے کہا کہ حاملہ خواتین بھی کرونا وائرس سے بچاؤ کی ویکسین لگواسکتی ہیں، کوشش ہے کہ ویکسینیشن کا عمل جلد مکمل کرلیا جائے۔

واضح رہے کہ فائزر اور بایو این ٹیک نے دعویٰ کیا ہے کہ ان کی ویکسین 5 سے 11 سال کی عمر تک کے بچوں کیلئے بھی محفوظ ہے۔

ڈاکٹر فیصل سلطان نے عوام سے ویکسین لگوانے کی اپیل کرتے ہوئے کہا کہ عوام کے تعاون سے کرونا وباء سے نمٹنے میں کامیاب ہوں گے لہٰذا شہری کرونا ویکسین کی دوسری خوراک لگوانے میں تاخیر نہ کریں۔

ان کا کہنا تھا کہ موبائل ویکسینیشن ٹیمیں رہ جانے والے علاقوں میں جاکر ویکسینیشن کریں گی، اس لئے درخواست ہے کہ جب موبائل ویکسینیشن ٹیم آئے تو ویکسین ضرور لگوائیں۔

معاون خصوصی صحت نے کہا کہ موبائل ویکسی نیشن یونٹ محکمہ صحت کا ایک انقلابی قدم ہے، ان یونٹس میں ڈیٹا انٹری کے ساتھ ویکسی نیشن کو یقینی بنائیں گے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More