ماحولیات، صحت اور معیشت کا آپس میں چولی دامن کا ساتھ ہے، مرتضی وہاب

بول نیوز  |  Sep 27, 2021

ایڈمنسٹریٹر کراچی مرتضیٰ وہاب نے کہا ہے کہ ماحولیات, صحت اور معیشت کا آپس میں چولی دامن کا ساتھ ہے۔

تفصیلات کے مطابق عالمی یوم برائے ماحولیاتی صحت پر ایڈمنسٹریٹر مرتضی وہاب نے اپنے جاری کردہ ایک پیغام میں کہا کہ ماحولیات، صحت اور معیشت کا آپس میں چولی دامن کا ساتھ ہے، ماحولیاتی ترجیحات میں صحت عامہ اور پائیدار اقتصادی نمو سرفہرست ہوتے ہیں۔

مرتضیٰ وہاب نے کہا کہ عوامی شراکت کے ذریعے ماحولیاتی صحت کے پائیدار منصوبے نچلی سطح پر لگائے جائیں گے، کراچی میں شہری جنگلات کا پھیلتا ہوا سلسلہ بھی اسی سلسلے کی کڑی ہے۔

ایڈمنسٹریٹر کراچی مرتضیٰ وہاب نے مزید کہا کہ نجی اداروں و غیر سرکاری تنظیموں کے ماحولیاتی صحت کی بہتری کے منصوبوں میں ہرممکن مدد کی جائے گی، ہر سال 26 ستمبر کو عالمی ادارہ برائے ماحولیاتی صحت کے زیرِ اہتمام ساری دنیا میں ماحولیاتی صحت کا عالمی دن منایا جاتا ہے۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More