ضلع نیلم کی ترقی حکومت کی اولین ترجیحات میں شامل ہے،تنویر الیاس

بول نیوز  |  Nov 28, 2021

تنویر الیاس نے کہا ہے کہ ضلع نیلم کی ترقی حکومت کی اولین ترجیحات میں شامل ہے۔

آزاد کشمیر کے سینئر وزیرسردار تنویر الیاس خان نے نیلم میں بڑے جلسہ عام سے خطاب کرتے ہوئے کہا کہ وزیر اعظم عمران خان نیلم کی ترقی میں خصوصی دلچسپی لے رہے ہیں۔

تنویر الیاس خان نے کہا کہ پاکستان کی سلامتی اوردفاع کیلئے نیلم سے بھمبر تک کسی بھی قربانی سے دریغ نہیں کرینگے۔

انہوں نے کہا کہ پی ٹی آئی کی مقامی قیادت اور کارکن آپس میں اتفاق واتحاد قائم رکھیں، نیلم ویلی کے لوگ ایل او سی کے اس طرف سیسہ پلائی ہوئی دیوار کی طرح دشمن کے مقابلے میں کھڑے ہیں۔

تنویر الیاس خان کا کہناتھا کہ آزادکشمیر پاکستان کادفاعی حصار ہے، معدنیات سے مالامال نیلم ویلی کو بے دردی سے لوٹنے والوں کاکڑااحتساب ہو گا۔

آزاد کشمیر کے سینئر وزیرسردار تنویر الیاس خان کا مزید کہنا  تھا کہ ضلع نیلم کی ترقی حکومت کی اولین ترجیحات میں شامل ہے اور نیلم کی عوام ہمیشہ پاک فوج کاہراول دستہ رہے ہیں۔

علاوہ ازیں عوامی جلسے سے جنرل سیکرٹری پی ٹی آئی آزاد کشمیرراجہ منصور خان، پیر مظہر سعید شاہ، تقدیس گیلانی،سردار گل خنداں،  راجہ الیاس خان، لائبہ کوثر و دیگرنے بھی خطاب کیا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More