بلوچستان میں موسم سرما کی پہلی برفباری، کراچی میں سردی بڑھنے کا امکان

بول نیوز  |  Dec 05, 2021

ملک کے بیشترعلاقوں میں آج موسم خشک اور سرد رہے گا۔

کراچی کا موسم:

محکمہ موسمیات کے مطابق کراچی شہر میں صبح سویرے ہلکی دھند چھائی ہوئی ہے، آج دن میں موسم خشک اور رات میں سرد رہنے کا امکان ہے۔

کراچی میں موجودہ درجہ حرارت 16 ڈگری سینٹی گریڈ ہے جبکہ ہوا کی رفتار آٹھ کلومیٹر فی گھنٹہ ہے۔

دن میں درجہ حرارت 28 سے 30 ڈگری سینٹی گریڈ رہے گا اور ہوا 20 کلومیٹر فی گھنٹے کی رفتار سے چلے گی۔

محکمہ موسمیات نے بتایا ہے کہ آنے والے دنوں میں درجہ حرارت مزید کم ہوگا اور سردی کی شدت میں اضافے کا امکان ہے۔

اسلام آباد کا موسم:

محکمہ موسمیات کے مطابق اسلام آباد میں مطلع جزوی ابر آلود رہنے کے علاوہ تیز ہواؤں کے ساتھ ہلکی بارش ہوئی ہے۔

آج اتوار کے روز اسلام آباد میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ مزید ہلکی بارش کا امکان ہے۔

اٹک و گردونواح کا موسم:

اٹک شہر وگردونواح میں رات گئے سے بارش کا سلسلہ جاری ہے۔

محکمہ موسمیات کا کہنا ہے کہ اٹک میں طویل خشک سالی کے بعد بارش سے کسانوں کے چہرے کھل اٹھے ہیں، حالیہ بارش گندم کی فصل ک ےلئے انتہائی مفید قرار ہے۔

بارش سے سردی کی شدت میں اضافہ ہوگیا ہے اور کئی علاقوں میں گیس بھی بند یہوگئی ہے۔

کوئٹہ کا موسم:

کوئٹہ کے بیشتر اضلاع میں موسم سرد اور خشک جبکہ شمالی اضلاع میں مطلع ابر آلود رہے گا۔

محکمہ موسمیات نے بتایا کہ کوئٹہ میں کم سے کم درجہ حرارت02، قلات میں صفر ڈگری سینٹی گریڈ ریکارڈ کیا گیا جبکہ بارکھان میں06 ،گوادر میں14 ،جیونی میں 16ڈگری سینٹی گریڈ ریکارڈ کیا گیا ہے۔

واضح رہے کہ گزشتہ روز محکمہ موسمیات نے آج سے تیز بارشوں کی پیشگوئی کردی تھی۔

محکمہ موسمیات کے مطابق کوئٹہ، زیارت، پشین، ژوب اور گردونواح کے علاقوں میں موسلادھار بارش کا امکان ہے جبکہ اتوار کو کشمیر، چترال، دیر، سوات مالا کنڈ، بونیر، مانسہرہ اور ایبٹ آباد میں موسلادھار بارش اور برفباری کا امکان ہے۔

محکمہ موسمیات نے بتایا تھا کہ ہری پور، صوابی، مردان، نوشہرہ، پشاور، چارسدہ، کرم، وزیرستان، کوہاٹ اور اسلام آباد میں بارش کا امکان ہے جبکہ اتوار کو نیلم، روالاکوٹ، باغ، نتھیا گلی، گلیات، ہنزہ، گلگت بلتستان، چترال اور مالم جبہ میں برفباری کا امکان ہے

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More