کراچی، 24 گھنٹوں میں ڈینگی کے 330 نئے کیسز رپورٹ

ہم نیوز  |  Sep 26, 2022

کراچی: شہر قائد میں گزشتہ 24 گھنٹوں کے دوران ڈینگی کے 330 نئے کیسز رپورٹ ہوئے ہیں۔

ہم نیوز نے سندھ کے محکمہ صحت کے حوالے سے بتایا ہے کہ کراچی کے ضلع وسطی میں 142، ضلع شرقی میں 67 اور ضلع کورنگی میں 34 ڈینگی کے نئے کیسز ریکارڈ کیے گئے ہیں۔

اعداد و شمار کے تحت کراچی کے ضلع غربی میں 27، ضلع جنوبی میں 25، ضلع ملیر میں 23 اور ضلع کیماڑی میں 12 ڈینگی کے نئے کیسز رپورٹ ہوئے ہیں۔

صوبائی محکمہ صحت کے مطابق کراچی میں رواں ماہ اب تک 4 ہزار 991 ڈینگی کیسز رپورٹ ہوچکے ہیں جب کہ سال رواں میں ڈینگی کے اب تک 7 ہزار 198 کیسز ریکارڈ کیے گئے ہیں۔

ہم نیوز نے سندھ کے محکمہ صحت کے حوالے سے بتایا ہے کہ رواں سال کراچی میں ڈینگی سے متاثرہ 32 افراد کا انتقال ہوا ہے جب کہ حیدرآباد سے تعلق رکھنے والے ایک شہری نے ڈینگی میں مبتلا ہونے کے بعد اپنی جان کی بازی ہاری ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More