روس سے سستا خام تیل خریدنے کیلئے مذاکرات کرنے پاکستانی وفد ماسکو روانہ

ہم نیوز  |  Dec 01, 2022

ماسکو: روس سے سستا خام تیل خریدنے کے لیے مذاکرات کرنے پاکستان کا اعلیٰ سطحی وفد ماسکو روانہ ہو گیا ہے۔

روسی خبر رساں ایجنسی ’تاس‘ کے مطابق پاکستانی وفد کی قیادت وفاقی وزیر مملکت برائے پٹرولیم سینیٹر ڈاکٹر مصدق ملک کر رہے ہیں جب کہ ان کے ہمراہ سیکریٹری پٹرولیم کیپٹن (ر) محمد محمود اور دیگر متعلقہ اعلیٰ حکام بھی ہیں۔

پاکستانی وفد ماسکو میں متعلقہ حکام سے اسٹریم گیس پائپ لائن پر کام جلد شروع کرنے سے متعلق بات چیت کرے گا جو کراچی سے لاہور کے قریب تعمیر ہو گی۔

خبر رساں ایجنسی کے مطابق پاکستان روس سے خام تیل اسی قیمت پر خریدنے کا خواہش مند ہے جن نرخوں پر بھارت خریدتا ہے۔

واضح رہے کہ وفاقی وزیر خزانہ سینیٹر اسحاق ڈار نے اکتوبر 2022 میں کہا تھا کہ پاکستان روس سے سستا تیل خریدنے کی بابت سوچ بچار کر رہا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More